KA AÔNDO UHEMBANAGEE a Hembe sha won cii ye. Uuma asev, hegen man ken hemen kpaa, har sha a na. Ngu a tahav mbu nan or injar man mbu tsahan or kpaa. Ngu a tahav mbu nan uma man mbu been a uma kera kpaa. Aluer á saan ishigh sha a vese yô, se yar se wua; aluer kwagh wase una doo un ga yô, se yar se wua ga. Gba hange hange u a̱ lumun mcivir wase kpen kpen je!

Ior mbá civir sha igbenda wue wue. Aluer kwaghaôndo ngu inja er ka gbenda nahan yô, igbenda i ukwaghaôndo cii Aôndo lumun a ii? Ei, á lumun a i ga. Yesu, profeti u Aôndo, lu tese wener, igbenda ngi ihiar tseegh. Yange kaa ér: “Gbenda u zan ken mtim la gbangese, ngu bele bele kpaa, man ior mba ve nyer her yô, ve ngee tsô. Gadia hunda hoghor, gbenda kpaa imbishi u u ze sha uma la, mbazuan a mi mba kpeghee tsô.”—Mateu 7:13, 14.

Ukwaghaôndo mba di atô ahar tseegh tsô: u môm ngu zan ken uma u tsôron man ugen di ngu zan ken mtim. Awashima u antakerada ne yô, ka u wasen we u zuan a gbenda u zan ken uma u tsôron la.