Pine mbampin sha kwaghfan mba vea kende isharen i ior yô, shi za hemen u wasen ve u lun a isharen shon her. Pine mbampin mba vea wase mba u lu lamen a ve la, u henen sha ma jindikwagh i u lu lamen sha mi la shi a sar ve u zuan a mlumun sha mi yô.

Ta iwanger sha itinekwagh i u lu lamen sha mi la wang. Wase mba u lu lamen a ve la u dondon kwagh u u lu ôron ve sha alô sha alô la, sha u pinen ve mbampin mba vea wase ve u kuren ikyaa sha gbenda u injaa yô.

Ôron kwagh kumen acin sha atôakaa a vesen la. Aluer u soo u ôron ma ityôkwagh i vesen yô, pine mpin u una kende isharen i ior, nahan vea kegh ato a we yô. Shighe u u lam a ior sha ma ityôkwagh i vesen shin u soo u kuren iliam you yô, pine ve mbampin mba vea wase ve u hiden henen sha kwagh shon yô.