Er u hen kwagh u Bibilo i tese ne ve u hemba zuan a kwagh u wasen we yô
Hii nengen kwagh u takeda ne u ôr ne, maa nenge VIDIO i i lu heen ne.
VEGHER U HIIHII
Shighe u u lu wan iyol sha hanma ityough yô, ôr vegher u hiihii la, kua mbampin mba i nger i ile (A) la, man avur a Bibilo (B) a a tese atôakaa a vesen a i lu lamen sha mi la. Shi avur a Bibilo agen yô, i nger her ér “ôr.”
VEGHER U HEN ATÔ
Kwagh u ka i hii ôron (C) sha ajiir a i nger ér Hen Kwagh i Za Shimi la, ka a pase akaa agen a i gbe u a lam sha mi yô. Atineakaa a kiriki (D) a ken hanma ityough ka a tese atôakaa a vesen a i lu u a lam sha mi ken ityough kira yô. Ôr avur a Bibilo la vea or u nan lu henen Bibilo a we la, shi na mlumun sha mbampin, shi nenge uvidio.
UVIDIO man icer i ungwan a ungwa i i lu ken ityough ki u lu henen la cii vea wase u, u hemba kaven kwagh u u lu henen la tsembelee. Uvidio mbagen tese akaa a yange er ior kpôô kpôô yô. Mbagen di tese akaa a a er ior kpôô kpôô ga, kpa ve gema ve tese ka akaa a aa fatyô u eren ior yô.
Kenger hanma foto tsembelee shi ôr ngeren u pasen un (E), shi hen sha mlumun u u na sha mpin u i pine sha ajiir a i nger ér Ior Mbagenev Ka Ve Kaa Ér (F) la.
VEGHER U MASETYÔ
Ajiir a i nger ér Ka Nyi U Hene? man Mbampin mba Umbur Kwagh u I Hen Yô (G) la di ka ape kuusu kwaghhenen u ken ityough ki u lu henen la. Hanma shighe u u hen ma ityough u bee yô, nger werayange. Ajiir a i nger ér Kwagh u U Er Yô (H) la pase kwagh u u er ve u za hemen u henen kwagh shi eren sha kwagh u u hen la yô. Ajiir a i nger ér Seer Henen Kwagh (I) la di tese ityakeda shin uvidio, sha er u tsua kwagh u u soo la u ôr shin u nenge yô.
Er u zua a ivur shin avur a Bibilo a i soo u ôron la yô
Bibilo ngi a ityakeda 66. Bibilo ngi avegher ahar: Ka Ruamabera u ken Zwa Heberu (“Ikyuryan i Tse”) man Ruamabera u Mbakristu u ken Zwa Grika (“Ikyuryan i He”) je la.
Hanma ijiir i i nger ivur Bibilo ken takeda ne yô, ka i hii ngeren takeda u Bibilo (A), maa i nger ityough ki takeda (B) shon, maa i mase ngeren ivur shin avur (C) a i soo u ôron la.
Ikyav i tesen yô, aluer i nger ér Yohane 17:3 yô, ka takeda u Yohane, ityough 17, ivur 3.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
