ITYOUGH 05
Bibilo Ka Loho u Aôndo hen a Vese
Yehova na se iyua i doon tsung, ka Bibilo je la. Ngi a ityakeda i kiriki 66. Kpa alaghga u pine wer: ‘Bibilo due hana? Man ka an nan nger Bibilo?’ De se time se nenge gbenda u loho u Bibilo la u ar a vese la man se na mlumun sha mbampin mbara ye.
1. Ka ior ve nger Bibilo ye, man er nan ka se kaa ser Bibilo ka takeda u Aôndo?
Ka iorov 40 yange ve nger Bibilo ye. Yange i nger Bibilo nôngo u kuman anyom 1,600 cii i mase been ye. I hii u ngeren i zum u shi anyom 1513 u a mar Yesu la, zan zan va ar ken inyom i 98 la. Man lu anzaaior kposo kposo nger i ye. Nahan kpa, akaa a ve nger ken Bibilo la cii gba zwa môm, sha ci u ka Aôndo a nger Bibilo ye. (Ôr 1 Mbatesalonika 2:13.) Yange ve nger lu mbamhen vev ga. Kpa ka ‘icighan jijingi yange a mgbegha ve ve ôr loho u Aôndo ye.’ a (2 Peteru 1:21) Aôndo yange a na ior icighan jijingi na, nahan icighan jijingi a wase ve, ve nger akaa a Aôndo a soo ér ve nger la.—2 Timoteu 3:16.
2. Bibilo ia fatyô u wasen hanma or je kpa?
Loho u dedoo u Bibilo la ua fatyô u wasen ior mba ken “hanma ikyurior man hanma ipyaven man hanma zwa man hanma nongoior” cii. (Ôr Mpase 14:6.) Aôndo yange er hanma kwagh u una na Bibilo ia lu ken ijô kpishi, a hemba hanma takeda u uumace ve gber cii yô. Hanma or sha tar nôngo u lun a Bibilo. Ior ka vea lu han han shin vea lamen nyi zwa kpa, hanma ve nan nôngo u lun a Bibilo.
3. Ka nyi yange ma i na Bibilo ma kera lu ga, kpa Yehova Kura i̱ nena?
Yange i nger Bibilo sha akaa a tsan gbem ga, er akôv a inyam man papiru nahan. Kpa yange kôpi u Bibilo una hiin u vihin yô, mba Bibilo i doo ve ishima la ve hide ve nger loho u Bibilo la vough sha akôv a inyam a he gayô papiru u he. Shin er utor mbagen kua mbahemenev mba kwaghaôndo mbagenev nôngo ér Bibilo i de lun ga nahan cii kpa, mbagenev gema kura Bibilo, shin er lu u a fa yô, a wua ve nahan kpaa. Yehova den ér or môm shin ma kwagh môm a yange un u lamen a vese ga. Bibilo kaa ér: “Kwaghôron u TER wase yô, una lu her gbem sha won.”—Yesaia 40:8.
HEN KWAGH I ZA SHIMI
Seer fan er Aôndo yange na ior icighan jijingi na, nahan wase ve ve nger Bibilo yô, man er yange kura Bibilo la, kua gbenda u a ne uumace Bibilo la kpaa.
4. Bibilo pase Or u nan nger i yô
Nenge VIDIO i i lu heen ne. Ne been yô, ôr nen 2 Timoteu 3:16, maa lam nen sha mbampin mba ve dondo ne.
-
Aluer ka ior yange ve nger Bibilo yô, er nan ve ka i yila Bibilo ér Mkaanem ma Aôndo?
-
Doo u se na jighjigh ser, ka Aôndo yange ôr uumace akaa a ve nger ken Bibilo la yee?
Or a fatyô u ôron orgen kwagh u nan soo u ngeren ken washika yô, or la di nana lu wasen nan u ngeren, kpa loho la a lu u or u nan lu ôron i lu ngeren la. Uumace mba yange ve nger Bibilo la kpa kape Aôndo ôr ve loho na ve nger je la
5. Ior nôngo ér Bibilo i de lun ga kpa ve fatyô ga
Aluer ka hen Aôndo Bibilo i due yô, ka keng una kura i. Hii sha ayange a tsuaa la je, mbahemenev ndera nôngon ér Bibilo i de lun ga. Mbahemenev mba kwaghaôndo nôngo ér ior ve de lun a Bibilo ga. Shin er ve lu hendan a mba Bibilo doo ve ishima tsung la shi anger ve a ku nahan cii kpa, ior kpishi wa uuma vev ikyo ga, ve za hemen u kuran Bibilo. Wea soo u fan kwagh u orgen ken a ve yô, nenge VIDIO i i lu heen ne, maa lam nen sha mbampin mba ve dondo ne.
-
Er hegen u fe wer yange ior war ku sha u nôngon ér vea kura Bibilo nahan, kwagh la na hemba saren we u ôron Bibilo? Sha ci u nyi?
Ôr Pasalmi 119:97, maa lam nen sha mpin ne:
-
Ka nyi yange i na ve ior kpishi wa uma ve ikyo ga, ve za hemen u geman Bibilo ken ijô igen shi samber a mini?
6. Takeda u sha ci u ior cii
Bibilo ka takeda u i hembe geman u ken ijô kpishi shi i samber a u sha tar cii yô. Ôr Aerenakaa 10:34, 35, maa lam nen sha mbampin mban:
-
Er nan ve Aôndo a soo ér i gema Mkaanem nam ken ijô kpishi shi i samber a mi wuee nahana?
-
Ka nyi i doo u sha kwagh u Bibilo?
Ior
kpishi
sha tar nôngo
u lun a Bibilo ken zwa u ve fe yô
I gema Bibilo jimin kua avegher a i
ken ijô i hemban
3,000
nahan,
I gber i nôngo u kuman ukôpi
5,000,000,000
i̱ hemba ngeen a ityakeda igen cii ica je
IOR MBAGENEV KA VE KAA ÉR: “Bibilo ka takeda u tse u ior ve nger yô.”
-
We u kaa wer nyi?
-
Ka nyi i tese ér Bibilo ka Mkaanem ma Aôndo?
KA NYI U HENE?
Bibilo ka Mkaanem ma Aôndo, shi a kura i sha er hanma or nana lu a mi yô.
Mbampin mba umbur kwagh u i hen yô
-
Aluer Aôndo yange na ior icighan jijingi na wase ve ve nger Bibilo yô, u nenge wer ka an nan nger Bibilo?
-
Er i kura Bibilo shi i gem i ken ijô igen shi i samber a i nahan, kwagh la doo u sha ci u nyi?
-
Er u fe hegen wer Aôndo nôngo kwagh sha er una lamen a we ken Bibilo nahan, ka u ken ishima nena?
SEER HENEN KWAGH
Ôr yiase i i pase kwagh u Ubibilo mba yange i hii ngeren sha ave la kua mba i gem ken ijô igen ainge ne kpaa.
“Er I Er Ve Se Va Hingir u Lun a Bibilo Yô” (Awake!, Novemba 2007)
Fa er akaa a vesen atar yange nôngo u been a Bibilo, kpa i war yô.
Nenge er yange ior war ku sha u nôngon ér vea gema Bibilo ken ijô igen yô.
I nger ukôpi mba Bibilo i hide i kimbir kwa imôngo, shi i gema Bibilo ken ijô igen kwa kimbir kimbir. U er nan ve u fa wer ka mkaanem ma Bibilo ma yange i hii ngeren la vough ma lu her zan zan nyiana?
“I Nzughul a Bibilo Kera Ngi sha Ave a Tse la Gaa?” (Ngeren u sha Intanet)
a Er se va nenge ken Ityough 07 nahan, icighan jijingi ka tahav mbu Aôndo a eren tom a mi yô.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
