ITYOUGH 14
Se Er Nan Ve Aôndo Una Lumun a Mcivir Wase?
Er i ôr ken ityough ki sha 13 la nahan, ka ukwaghaôndo cii ve eren ishima i Aôndo ga. Nahan kpa, se fatyô u civir Aôndo u a gbe se la sha gbenda u a doo un yô. Ka “mcivir [shin kwaghaôndo]” u han Aôndo a lumun a mini? (Yakobu 1:27, ngeren u shin kpe) Nenge kwagh u Bibilo i ôr ne.
1. Se civir Aôndo nena ve a lu sha ishima naa?
Gba u se civir Aôndo er Bibilo i tese la. Yesu yange kaa a Aôndo ér: “Ka kwaghôron wou a lu mimi ye.” (Yohane 17:17) Ukwaghaôndo mbagen venda u dondon mimi u Bibilo i i lu Mkaanem ma Aôndo la, gema mba dondon atesen a ior man aeren a ityôô. Kpa Yehova soo mba ve “geman tindi u Aôndo [ve] tan kera” la ga. (Ôr Marku 7:9.) Nahan kpa, ka sea civir un sha gbenda u Bibilo i tese la yô, i saan un iyol.
2. Gba u se civir Yehova nena?
Gba u se civir Yehova tseegh sha ci u ka un a gbe se ye. (Mpase 4:11) Kwagh ne tese ér gba u Yehova una doo se ishima, shi ka un tseegh se civir ye. Doo u se civir un a ieev shin ufoto shin ma kwagh ugen ga.—Ôr Yesaia 42:8.
Gba u mciviraôndo wase una lu u wang shin u i “tsegha” un shi Yehova “a lumun a mi yô.” (Mbaroma 12:1) Kwagh ne tese ér, gba u se kuran atindi a na. Ikyav i tesen yô, ior mba Yehova a doo ve ishima la, mba kuran atindi a a we sha kwagh u ivesegh la shi atindi shon doo ve ishima. Shi ka ve palegh akaa a aa vihi mlu ve la, er taav u man shin mcimbim ma bom, gayô man msôrom karen ikyaa inya nahan. a
3. Er nan i gbe u se civir Yehova vea Mbakristu mba mimi mbageneve?
Ka sea za mbamkombo mba se eren hanma kasua la yô, se zua a ian i ‘wuese TER . . . ken mkohol’ vea mbagenev imôngo. (Pasalmi 111:1, 2) Gbenda môm u ka se er kwagh ne yô, ka u wan atsam wuese Aôndo. (Ôr Pasalmi 104:33.) Yehova kaa ér se zaan mbamkombo sha ci u se doo un ishima, shi a fa er vea wase se se va lu uma gbem sha won yô. Ka sea za mbamkombo yô, se taver ayol a ase asema.
HEN KWAGH I ZA SHIMI
Tôv fa er i hii ve Yehova a vende ér i de civir un a ieev shin ufoto ga yô. Hen igbenda injaa i se fatyô u wuese Aôndo yô.
4. Gba u se civir Aôndo a ieev ga
Er nan se fe ser aluer se mba civir Aôndo a ieev yô, a doo un ga? Nenge VIDIO i i lu heen ne, maa lam nen sha mpin u a dondo ne.
-
Ior mba Aôndo mbagen sha ayange a i ngeren Bibilo la yange ve nôngo ér vea civir un a ieev nahan, lu nyi i ere?
Mbagenev ka ve civir Aôndo a ieev sha ci u ve nenge ér ka gbenda u vea hemba lun kôôsôô a na je la. Kpa kwagh la una na Aôndo a hemba gban ica a ve ga zee? Ôr Ekesodu 20:4-6 man Pasalmi 106:35, 36, maa lam nen sha mbampin mban:
-
Ka akaa shin ieev mbi nyi nahan ka u nenge ior ve civir Aôndo a mi?
-
Yehova ka una nenge ior vea civir un a ieev nahan, i lu un nena?
-
U nenge wer doo u se civir Aôndo a ieevee? Er nan u ôr nahana?
5. Ka sea civir Yehova tseegh yô, se kera lu ikpan i atesen a aiegh ga
Nenge er ka sea civir Yehova tseegh ve se kera lu ikpan i atesen a aiegh ga yô. Nenge VIDIO i i lu heen ne.
Ôr Pasalmi 91:14, maa lam nen sha mpin ne:
-
Yehova tôndo zwa ér aluer se mba civir un tseegh sha ci u un doo se ishima yô, una er nyi sha ci wase?
6. Ka se civir Aôndo ken mbamkombo mba tiônnongo
Ka sea za mbamkombo mba tiônnongo yô, se wuese Yehova shi se taver ayol a ase asema sha mbamlumun mba ka se na la. Ôr Pasalmi 22:22, maa lam nen sha mbampin mban:
-
I lu nahan or na mlumun ken mkombo u ungwa doo u vee?
-
U fatyô u wan iyol sha er we kpa u za na mlumun ken mkombo kpa?
7. Ka sea pasen mbagenev akaa a Yehova a se hen la yô, i doo un
Igbenda ngi kpishi i se fatyô u pasen mbagenev mimi u Bibilo yô. Ôr Pasalmi 9:1 man 34:1, maa lam nen sha mpin ne:
-
Ka nyi u hen ken Bibilo i u soo wer u ôr orgene?
IOR MBAGENEV KA VE KAA ÉR: “Er u ne Aôndo jighjigh je kuma, saa u zaan adua ga.”
-
We u nenge nena?
KA NYI U HENE?
Ka sea civir Aôndo u a gbe se la tseegh, shi sea wuese un ken mbamkombo mba tiônnongo shi sea pasen mbagenev akaa a se hen la yô, i doo un kpishi.
Mbampin mba umbur kwagh u i hen yô
-
Ka han Aôndo a tese se er se civir un ve a lu sha ishima naa?
-
Er nan i gbe u se civir Yehova tseeghle?
-
Er nan i doo u se civir Aôndo vea ior mba ve soo u eren ishima naa?
SEER HENEN KWAGH
Ôr ngeren u “M Kera Civir Akombo Ga” la, nahan nenge er kwase ugen yange de u civir akombo yô.
Nenge kwagh u una wase u ve u na mlumun ken mbamkombo mba tiônnongo yô.
Yange i taver gumor ugen u zan mbamkombo mba tiônnongo, kpa nenge er yange za ve wase un yô.
Mbagen kpishi na jighjigh ér terankon ka kwagh u Mbakristu, kpa doo u se civir Aôndo a terankonoo?
“Er Nan Mbashiada mba Yehova Ve Civir Aôndo a Terankon Ga?” (Ngeren u sha Intanet)
a Se va seer timen sha akaa ne ken mtom ma gen.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
