ITYOUGH 18
Er Se Fa Mbakristu mba Mimi Yô
Ior ubiliôn imôngo senge ér mba Mbakristu. Kpa atesen a ve kaha shi atindi a ve kuran la kpa nga kwaghmôm ga. Nahan se fa Mbakristu mba mimi nena?
1. Ka an nan lu Orkristu?
Mbakristu ka mbahenen shin mbadondon Yesu Kristu. (Ôr Aerenakaa 11:26.) Ka ve tese ér mba mbahenen mba Yesu nena? Yesu kaa ér: “Aluer ne mba eren sha kwaghôron wam hanma shighe yô, ne mba mbahenen av jim jim.” (Yohane 8:31) Kwagh ne tese ér gba u Mbakristu mba mimi vea dondon atesen a Yesu. Yesu yange tesen ior kwagh u Ruamabera a ôr yô, nahan Mbakristu mba mimi kpa ka kwagh u Bibilo i ôr la ve tesen ior ye.—Ôr Luka 24:27.
2. Mbakristu mba mimi ka ve tese ér ior doo ve ishima nena?
Yesu yange kaa a mbadondon un ér: “Doo nen ayol a en, vough er ne doom ishima nahan.” (Yohane 15:12) Yesu yange tese ér mbahenen nav doo un ishima nena? Yange a lu vea a ve shi a taver ve ishima shi a wase ve. Shi yange na uma na sha ci ve. (1 Yohane 3:16) Mbakristu mba mimi kpa mba ôron kwagh u dooshima sha zwa tseegh ga, kpa ka ve tese sha mkaan man sha ieren ér ve doo ayol a ve.
3. Ka tom u nyi Mbakristu mba mimi ve erene?
Yesu yange na mbahenen nav tom. Yange “tindi ve ér ve za pase loho u dedoo u Tartor u Aôndo.” (Luka 9:2) Mbakristu mba sha ayange a Mbaapostoli la tesen ior sha ajiir a ve civir Aôndo la tseegh ga, kpa ve tesen ior sha ajiir agen man sha uya uya. (Ôr Aerenakaa 5:42; 17:17.) Nyian kpa, Mbakristu mba mimi mba tesen ior mimi u Bibilo hanma ijiir i ve zough a ve cii. Ior doo ve ishima nahan ka ve na shighe ve man agee a ve u pasen ior loho u Bibilo u ua sur ve asema shi ua na ve ishimaverenkeghen yô.—Marku 12:31.
HEN KWAGH I ZA SHIMI
Tôv fa er Mbakristu mba mimi ve lu kposo a ior mba ve dondon atesen a Yesu man ikyav na ga la yô.
4. Ve ker mimi u Bibilo
Mkaanem ma Aôndo yange ma gba Mbakristu mba sha ayange a mbaapostoli la ishima.
Ka hanma or u nan senge ér nan ngu Orkristu cii mimi u Bibilo la a gbe nan kwagh ga. Nenge VIDIO i i lu heen ne, maa lam nen sha mpin u a dondo ne.
-
Iniongo i ukwaghaôndo i i senge ér mba Mbakristu la fatyô u tesen ior kwagh u Yesu tesen la ga nena?
Yesu yange tese ior mimi u ken Mkaanem ma Aôndo. Ôr Yohane 18:37, maa lam nen sha mpin ne:
-
Yesu yange pase ér se fa Mbakristu mba ve “lu ken mimi la” nena?
5. Mba pasen mimi u Bibilo
Mbakristu mba sha ayange a mbaapostoli la yange ve pasen ior kwagh
Cii man Yesu hide yem sha yô, yange na mbadondon un tom u i lu eren u zan zan nyian yô. Ôr Mateu 28:19, 20 man Aerenakaa 1:8, maa lam nen sha mpin ne:
-
Yange gba u a er tom u pasen kwagh la a za kighir nena?
6. Mba eren kwagh u ve pasen mbagen la
Ka nyi yange i wase orgen u i yer iti na ér Tom yô, u lun a vangertiôr ér un zua a kwaghaôndo u mimi? Nenge VIDIO i i lu heen ne, maa lam nen sha mbampin mba ve dondo ne.
-
Vidio la tese ér ka nyi yange i na ve Tom de adua?
-
Er nan ve lu a vangertiôr ér un zua a ior mba ve lu dondon Kristu sha mimi?
Ieren kar hemba vaa. Ôr Mateu 7:21, maa lam nen sha mpin ne:
-
Ka nyi i hembe gban Yesu kwagh, ka kwagh u se senge ser se na jighjigh a mi la shin ka kwagh u ieren yase i tese laa?
7. Ve doo ayol a ve
Mbakristu mba sha ayange a mbaapostoli la yange ve doo ayol a ve
Mimi je Mbakristu ka ve ver uma ve sha zongo sha ci u mba ve civir Aôndo a ve imôngo laa? Nenge VIDIO i i lu heen ne, maa lam nen sha mbampin mba ve dondo ne.
-
Ken vidio la, ka nyi yange i na ve Lloyd kegh iyol u kpen sha ci u Anmgbian Johansson?
-
U nenge wer yange er kwagh er Orkristu u mimi nahana?
Ôr Yohane 13:34, 35, maa lam nen sha mbampin mban:
-
Gba u mbahenen mba Yesu mba ve lu Mbakristu mba mimi la, vea eren kwagh a ior il shin abuter shin mba ve dugh ken ikyurior igen la nena?
-
Gba u vea eren kwagh a ior shighe u i lu nôngon ityav nena?
IOR MBAGENEV KA VE KAA ÉR: “Mbakristu er akaa a vihin kpishi, nahan kwagh gbam sha kwagh u kwaghaôndo ga.”
-
Ka hanma ivur Bibilo nahan u ôr or u tesen nan er se fatyô u fan Mbakristu mba mimi?
KA NYI U HENE?
Mbakristu mba mimi mba dondon atesen a Bibilo, shi mba tesen dooshima u tangen iyol ga shi mba tesen ior mimi u Bibilo.
Mbampin mba umbur kwagh u i hen yô
-
Mbakristu mba mimi ka ve har atesen a ve sha nyi?
-
Ka ieren i nyi ka i fa Mbakristu mba mimi sha mini?
-
Ka tom u nyi Mbakristu mba mimi ve erene?
SEER HENEN KWAGH
Seer henen kwagh u nongoior ugen u yange u kange ishima ér ua dondo ikyav i Yesu Kristu man atesen a na la.
Nenge kwagh u yange na kwase ugen u lu sista ken adua u fada, hingir u zuan a “ior mba civir Aôndo sha mimi” yô.
“Yange Ve Nam Mlumun sha Hanma Mpin ken Bibilo!” (Iyoukura, Aipor 1, 2014)
Nenge er Mbakristu mba mimi ka ve er kwagh a mba ve civir Aôndo imôngo la sha dooshima shi ve wase ve shighe u i gbe u a wase ve yô.
Er Ka Se Wase Anmgbianev Asev Shighe u Kwagh a Tser Ve La—Anvegher Vidio (3:57)
Nenge er Mbakristu mba sha ayange a mbaapostoli kua Mbakristu mba mimi mba sha ayange ne ve lu eren kwagh u Yesu kaa ér a fa mbadondon un sha mi la yô.
“Ka Unô Ve Lu a Aeren a Mbakristu Mba Mimi Laa?” (Iyoukura, Julai 1, 2012)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
