ITYOUGH 22
U Pase Ior Loho u Dedoo Nena?
Er u lu henen mimi u Bibilo ne, alaghga u nenge wer, ‘Doo u hanma or ma nan fe mimi shon!’ Kape i lu vough je la, doo u hanma or nana fa mimi! Nahan kpa, alaghga a cier we iyol u ôron mbagenev akaa a u hen la. De se time sha igbenda i u kar ve u hemba mciem mara, nahan u hii u pasen mbagen loho u dedoo u Bibilo la saan saan yô.
1. U pase ior mba u fe ve la akaa a u hen la nena?
Mbahenen mba Yesu yange ve kaa ér: “Se fatyô u den u ôron akaa a se ongo man a se nenge la ga.” (Aerenakaa 4:20) Yange mimi la doo ve ishima je yô, ve soo ér vea pase ior er ve fetyô la cii. We kpa kape ka i lu u laa? Aluer ka nahan yô, keren aan a u fatyô u ôron ior mba hen tsombor wou kua azende a ou akaa a u hen la yô, kpa lam a ve sha icivir.—Ôr Mbakolose 4:6.
Igbenda i u fatyô u hiin yô
-
Shighe u u lu lamen a or u hen tsombor yô, u fatyô u ôron nan kwagh u ken Bibilo sha gbenda ne nahan: “M hen kwagh ugen u doon mo ken kasua ne.”
-
Shighe u i doo ma ijende you iyol ga shin ishima i lu nyian nan yô, ôr nan ivur Bibilo i ia taver nan ishima yô.
-
Shighe u or u ne eren tom imôngo nan pine u er u lu yô, ôr nan ma kwagh u u hen ken Bibilo shin ken mkombo u tiônnongo yô.
-
Tesen azende a ou ijiir i sha Intanet i jw.org la.
-
Shighe u i lu henen Bibilo a we yô, yila mbagenev kpa ve va tema ve ungwa, gayô tese ve er vea fatyô u za tindin a loho sha jw.org ér i va hen Bibilo a ve yô.
2. Er nan ve i doo u u nôngo kpoghuloo u pasen kwagh vea tiônnongo?
Mbahenen mba Yesu yange ve pasen ior mbagen kpa loho u dedoo, lu ior mba ve fa la tseegh ga. Yesu yange “tindi ve uhar uhar ér ve hemen a na, ve za hen hanma gar” ve za pase kwagh. (Luka 10:1) Tom u pasen kwagh u yange i er sha imba gbenda ne la yange u wase ior kpishi ungwa loho u dedoo. Er mbahenen lu pasen kwagh imôngo yô, hemba saan ve iyol cii. (Luka 10:17) We kpa u fatyô u nôngon kpoghuloo sha er u pasen kwagh vea tiônnongo kpa?
HEN KWAGH I ZA SHIMI
Nenge kwagh u u er ve u de mciem, u pase mbagenev loho u dedoo nahan a saan we iyol yô.
3. Yehova una lu a we
Alaghga ior mbagen mba ve soo u pasen kwagh yô, vea lu cian gbenda u vea due kwaghpasen ve ior a nenge ve la, gayô er ior vea ngohol loho ve la.
-
Ka i cier we iyol u ôron mbagen akaa a u hen laa? Er nan ka i lu u nahana?
Nenge VIDIO i i lu heen ne, maa lam nen sha mpin u a dondo ne.
-
Agumaior a a lu Mbashiada la yange de mciem nena?
Ôr Yesaia 41:10, maa lam nen sha mpin ne:
-
Shighe u i cier we iyol u pasen kwagh yô, msen una wase u nena?
U fa kpa?
Mbashiada mba Yehova kpishi yange ve hen ér vea tsa a fatyô u pasen ior loho u dedoo ga. Ikyav i tesen yô, Sergey, yange a nenge ér un gba kwagh ga, shi i taver un u lamen a ior kpaa. Nahan kpa va henen Bibilo yô, a kaa ér: “Er yange i cier mo iyol nahan kpa, M hii u ôron mbagenev kwagh u m lu henen la. Kwagh er u kpiligh mo iyol yô, m ngur ôron ior kwagh u Bibilo yô, m lu seer lun a vangertiôr. Shi kwagh ne seer taver jighjigh wam kpaa.”
4. Eren kwagh a ior sha icivir
Shighe u u lu pasen loho u dedoo yô, doo u u hen sha kwagh u u ôr la tsembelee shi gba u u hen sha gbenda u u ôr kwagh shon ve a lu sha icivir la kpaa. Ôr 2 Timoteu 2:24; man 1 Peteru 3:15, maa lam nen sha mbampin mban:
-
U fatyô u dondon kwagh u avur ne a ôr la shighe u u lu lamen a mbagenev ken Bibilo nena?
-
Alaghga mbagen hen tsombor wou shin azende a ou vea lumun a kwagh u u lu ôron ve la ga. Nahan ka nyi u fatyô u erene? Man ka nyi i doo u u er ga?
-
Er nan ve i hembe doon u pinen mbampin sha kwaghfan a u kighir ior wer ve lumun a kwagh u u lu ôron laa?
5. Ka wea pasen loho u dedoo yô i saan we iyol
Yehova yange na Yesu tom u pasen loho u dedoo. Yesu yange nenge tom la nena? Ôr Yohane 4:34, maa lam nen sha mbampin mban:
-
Ka sea yaan kwaghyan u injaa yô, se za hemen u lun uma shi i saan se iyol. Er nan Yesu yange tôô kwagh u eren ishima i Aôndo, er u pasen loho u dedoo la nahan kar sha u yan kwaghyana?
-
Aluer se mba pasen ior loho u dedoo yô, u nenge wer ka msaanyol u nyi se zua a mi?
Akaa a aa fatyô u wasen we yô
-
Shighe u u ze mkombo u ken atô u kasua la yô, ver ishima nenge igbenda i u fatyô u hiin iliam a ior yô.
-
Lam vea or u nan henen Bibilo a we la nana pase u kwagh u u er ve u hingir wanyemakeranta u mkombo u ken atô u kasua la yô. Mbaasaimenti mba u lu eren mbara vea wase u u hemba wan agoyol u ôron mbagen akaa a u lu henen la.
-
Kar iyol a ngeren u “Ior Mbagenev Ka Ve Kaa Ér” gayô u “Alaghga Orgen Nana Pine Ér” la, sha er u fa kwagh u u ôr sha mbampin mba ior ka ve pine shin atôakyaa a ka ve kôr ave sha mi u vendan loho wase la yô.
ALAGHGA ORGEN NANA PINE ÉR: “U ngu nena?”
-
U fatyô u tôôn ian la pasen or shon akaa a u lu henen ken Bibilo la nena?
KA NYI U HENE?
Ka wea pasen loho u dedoo yô i saan we iyol, shi alaghga a taver we u pasen mbagenev kwagh er u hen la kpaa ga.
Mbampin mba umbur kwagh u i hen yô
-
Er nan i doo u u pasen mbagenev loho u dedoo?
-
U er kwagh ne sha icivir nena?
-
Aluer ka cier we iyol u pasen kwagh yô, u er nan ve u de mcieme?
SEER HENEN KWAGH
Nenge ase igbenda inyiin i taver ga i u fatyô u pasen ior loho u dedoo a kaade u jw.org la yô.
Nenge aeren anyiin a u lu a mi ve u fatyô u pasen loho u dedoo yô.
“U Wa Agoyol u Hingir Or u Kôron Ior Kpa?”(Iyoukura, Setemba 2020)
Nenge er ikyav i or u i er kwagh u nan ken Bibilo ia wase se u taver ishima pasen loho u dedoo, aluer sea lu mbayev je kpaa yô.
Nenge er u fatyô u lamen a mba hen tsombor wou mba ve lu a fa kwagh u Yehova ga la ken Bibilo yô.
“Pase Ior Ou Mba Ve Civir Yehova Ga la Kwagh i Kôr Ve ken Ishima” (Iyoukura, Maaci 15, 2014)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
