ITYOUGH 25
Ka Nyi Aôndo a We Ishima u Eren sha Ci Wase?
Bibilo kaa ér ayange a uma wase “nga ciôn tsô, man a iv a ican kpaa.” (Yobu 14:1) Ka imba uma i Aôndo a soo sha ci wase nee? Aluer ka nahan ga yô, a soo ér uma wase a lu nena? Kwagh a tsa a lu er a soo la kpa? Nenge ase mlumun u kundun iyol u Bibilo i ne sha mbampin mban yô.
1. Yehova soo ér uma wase a lu nena?
Yehova soo ér i kpe se iyol kpishi je. Shighe u gba or kua kwase u hiihii, Adam man Ifa la, yange ver ve ken paradiso u doonashe, ken sule u Eden. Maa ‘Aôndo ver ve doo doo; Aôndo kaa a ve ér: Mar nen kpishi, seer nen ngeen, iv nen tar, gema nen u, u̱ lu sha ikyev yen.’ (Genese 1:28) Yehova yange soo ér ve mar mbayev shi ve gema tar cii u hingir paradiso shi ve nengen sha annyamev kpaa. Awashima na yô, lu u ior cii ve lu gbong gbong shi ve lu uma gbem sha won.
Er akaa va kera za er Aôndo wa ishima la ga nahan kpa, a awashima na la yô, gema ga. (Yesaia 46:10, 11) Aôndo soo ér uumace mba ve ongo imo na cii, ve lu uma gbem sha won a zayol shio.—Ôr Mpase 21:3, 4.
2. Se er nan ve hegen je kpa a kpe se iyolo?
Yehova gba se ér una hemen se. Ka nahan ve ka i sar se u fan un shi civir un ye. (Ôr Mateu 5:3-6.) A soo ér se ya ijende a na kôôsôô, shi se ‘zenden sha igbenda Na cii shi A̱ doo se ishima shi se civir un a ishima yase cii.’ (Duteronomi 10:12; Yakobu 2:23) Aluer se er nahan yô, sea lu a mbamzeyol je kpa, a saan se iyol sha mimi. Ka sea civir Yehova yô, uma wase a hemba doon sha ci u ka se fa je ser se mba eren kwagh u a soo ér se er la ken uma wase.
HEN KWAGH I ZA SHIMI
Hen fa er se doo Yehova ishima kpishi shi yange tese dooshima ne shighe u lu gban tar sha ci wase la, man er Mkaanem nam ma tese ér a soo ér uma wase a lu yô.
3. Yehova soo ér i kpe uumace iyol
Nenge VIDIO i i lu heen ne, maa lam nen sha mpin u a dondo ne.
-
Aôndo yange gba tar wase u doonashe ne sha ci u nyi?
Ôr Orpasenkwagh 3:11, maa lam nen sha mpin ne:
-
Kwagh ne tese u nyi sha kwagh u Yehova?
4. Awashima u Yehova la gema ga
Ôr Pasalmi 37:11, 29 man Yesaia 55:11, maa lam nen sha mpin ne:
-
Er nan se fe ser kwagh u Yehova yange wa ishima u eren sha ci wase la gema ga?
Iyou i i vihi kpa a fatyô u hiden sôron. Sha nahan yô, tar u u vihi shi uumace ve nzughul a mi ne kpa, Aôndo una va sôr u sha ci u ior mba ve soo un la
5. Ka sea civir Yehova yô, uma wase a hemba doon
Ka sea fa er Yehova a soo ér uma wase a lu yô, i saan se iyol. Nenge VIDIO i i lu heen ne, maa lam nen sha mpin u a dondo ne.
-
Terumi yange fe kwagh u Yehova a we ishima u eren sha ci u uumace yô, kwagh la wase un nena?
Ôr Orpasenkwagh 12:13, maa lam nen sha mpin ne:
-
Er Yehova a er akaa a doon a vese kpishi yô, ka nyi se er u tesen iwuese?
ALAGHGA ORGEN NANA PINE ÉR: “Ityôkyaa i i gbe se, se lu uma jim yô, ka nyi?”
-
U kaa wer nyi?
KA NYI U HENE?
Yehova soo ér se lu uma gbem sha won shin tar a zayol shio. Hegen ne je kpa, ka sea civir un a ishima yase cii yô, i kpe se iyol.
Mbampin mba umbur kwagh u i hen yô
-
Yehova yange wa ishima ér Adam man Ifa ve er nyi?
-
Er nan se fe ser awashima u Aôndo lu a mi sha ci u umace la gema ga?
-
U er nan ve uma wou una hemba lun a inja?
SEER HENEN KWAGH
Hen er i hii ve se ne jighjigh ser sule u Eden la yange u lu mimi yô.
“Sule u Eden la Yange U Lu Mimi Shinii Lu Kwaghhir?” (Iyoukura, Janawari 1, 2011)
Tôv fa er i hii ve se ne jighjigh ser tar ne ua lu gbem sha won yô.
Tôv fa kwagh u Bibilo i kaa ér u er ve a hemba kpen uma wou iyol yô.
Nenge er orgen u yange hen ér un ngu a hanma kwagh cii yô, va mase zuan a kwagh u lu karen un yô.
a Se hen se fa kwagh u yange zayol la ken ityough ki ki dondo ne.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
