ITYOUGH 28
Wuese Kwagh u Yehova man Yesu Ve Er sha Ci Wou La
Ijende you ka ia na u iyua i doon tsung nahan i lu u nena? A shi nan kpa, ka i saan we iyol kpishi shi u soo u tesen ijende you la wer u wuese iyua shon kpaa. Yehova man Yesu na se iyua i hemban cii. Iyua shon ka nyi, man se tese ser se wuese iyua i ve ne se ne nena?
1. Ka sha nyi gbenda nahan se tese ser se wuese kwagh u Aôndo man Kristu yange ve er sha ci wase laa?
Bibilo tôndo zwa ér, “hanma or u nan ne [Yesu] jighjigh cii” nana lu uma gbem sha won. (Yohane 3:16) Inja i u nan jighjigh la ér nyi? Inja na yô, a gba u se er kwagh a hemba di u kaan ser, se na Yesu jighjigh la. Shi a gba u se tese jighjigh wase la sha akaa a se tsuan shi se eren la cii. (Yakobu 2:17) Ka sea tesen jighjigh wase la sha aeren a ase man sha iliam yase yô, se hemba lun kôôsôô a Yesu man Ter na, Yehova.—Ôr Yohane 14:21.
2. Ka mkombo u vesen u nyi ka a wase se u tesen Yehova man Yesu ser se wuese kwagh u ve er a vese laa?
Yesu yange ôr mbadondon un gbenda ugen u vea fatyô u tesen iwuese sha nagh ku na la yô. Yange er kwagh ne hen aikighe u mase lun a ve cii ve ku na la. Yange kohol ve imôngo er mkombo u injaa ugen. Bibilo yila mkombo la ér “Kwaghyan u Ter u Aikighe,” shi mba yer un kpaa ér Mkombo u Umbur Ku u Kristu. (1 Mbakorinte 11:20) Yesu yange hii eren mkombo ne sha er mbaapostoli nav kua Mbakristu mba mimi mba vea va ken ijime ve la cii, vea lu umbur er un ne uma na sha ci wase yô. Yesu maa wa tindi ér: “Eren nen kwagh ne sha u umbur mo.” (Luka 22:19) Nahan shighe u u ze mkombo u umbur ku u Yesu la yô, u ngu tesen wer u wuese dooshima u hemban cii u Yehova man Yesu ve tese se la.
HEN KWAGH I ZA SHIMI
Seer henen igbenda i u fatyô u tesen wer u wuese dooshima u hemban cii u Yehova man Yesu ve tese u la yô. Hen er i hii ve i gbe hange hange u a eren mkombo u umbur ku u Kristu yô.
3. Ka nyi se er ve se tese ser se mba a iwuese?
Tôô wer u ngu kuan shin mnger, maa orgen va yima u. Nahan u hungur a kwagh u or shon nan er a we la fese? Shin u ker igbenda i u tese nan wer u wuese kwagh u nan er a we laa?
Ka Yehova a yima se ve se lu uma ye. Ôr 1 Yohane 4:8-10, maa lam nen sha mbampin mban:
-
Er nan ve nagh ku Yesu kura ku lu iyua injaa yumu?
-
U nenge kwagh u Yehova man Yesu ve er sha ci wou la nena?
Se tese ser se wuese kwagh u Yehova man Yesu ve er sha ci wase la nena? Ôr 2 Mbakorinte 5:15 man 1 Yohane 4:11; 5:3. Zum u ne ôr hanma ivur ne bee yô, lam nen sha mpin ne:
-
Sha kwagh u avur ne a ôr yô, ka nyi se er ve se tese ser se mba a iwuese?
4. Dondo ikyav i Yesu
Gbenda ugen u se fatyô u tesen iwuese yase yô, ka u dondon ikyav i Yesu la. Ôr 1 Peteru 2:21, maa lam nen sha mpin ne:
-
Ka sha igbenda i nyi nahan u fatyô u zan sha angahar a Yesu vough voughlo?
Mkaanem ma Aôndo yange ma doo Yesu ishima shi pase loho u dedoo shi wase ior kpaa
5. Zaan mkombo u umbur ku u Kristu
Ôr Luka 22:14, 19, 20, sha er u nenge kwagh u za hemen hen Mkombo u Kwaghyan u Ter u Aikighe u yange i hii eren la yô. Maa lam nen sha mbampin mban:
-
Ka nyi yange i za hemen hen Mkombo u Kwaghyan u Ter u Aikighe laa?
-
Beredi man wain la tile sha ityough ki nyi?—Nenge ivur 19 man 20.
Yesu yange wa ishima ér mbahenen nav ve eren Mkombo u Kwaghyan u Ter u Aikighe la kwa môm ken hanma inyom, sha iyange i ku na la vough. Sha nahan yô, Mbashiada mba Yehova ka ve kumba imôngo hanma inyom kwa môm, ve umbur ku u Kristu er yange tese nahan. Wea soo u seer fan kwagh u mkombo u injaa ne yô, nenge VIDIO i i lu heen ne. Maa lam nen sha mpin u a dondo ne.
-
Ka nyi ka i za hemen hen mkombo u umbur ku u Yesu?
Beredi man wain la tile sha ityough ki kwagh ugen. Beredi la tile sha ityough ki iyol i Yesu i i lu a isholibo ga, i na nagh a mi sha ci wase la. Wain la di tile sha ityough ki awambe a Yesu
IOR MBAGENEV KA VE KAA ÉR: “Er u ne Yesu jighjigh je, u war.”
-
U tese nan ken Yohane 3:16 man Yakobu 2:17, wer gba u or a er kwagh a hemba di u nan Yesu jighjigh tseegh la nena?
KA NYI U HENE?
Ka se tese ser se wuese kwagh u Yesu a er sha ci wase la sha u nan un jighjigh man sha u zan Mkombo u Umbur ku na la.
Mbampin mba umbur kwagh u i hen yô
-
Inja i u nan Yesu jighjigh la ér nyi?
-
U tese iwuese sha kwagh u Yehova man Yesu ve er sha ci wou la nena?
-
Er nan i gbe hange hange u u za Mkombo u Umbur ku u Kristu laa?
SEER HENEN KWAGH
Ku u Kristu la mgbegha se u eren nyi?
Seer henen kwagh u jighjigh u nan man er se fatyô u tesen jighjigh wase shon yô.
“Na Uityendezwa mba Yehova Jighjigh” (Iyoukura, Oktoba 2016)
Ôr ngeren u a lu a itinekwagh ér “Hegen M Ngu Wang, shi M Ngu Uma shi Kwagh Pande ken Mo Ga” la, nahan nenge er kwase ugen yange hen kwagh u nagh ku Kristu la ve, kwagh la wase un ken uma na kpishi yô.
Hen fa er i hii ve ka i lu ior kpuaa tseegh ka ve ya beredi shi ve ma wain sha iyange i umbur ku u Yesu yô.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
