ITYOUGH 36
Eren Akaa Cii sha Mimi
Hanma or ka nan soo ér azende a nan a eren kwagh sha mimi. Yehova kpa soo ér azende a na a eren kwagh sha mimi. Nahan kpa, ka ican u eren kwagh sha mimi ken tar u ior kpishi ve eren kwagh sha mimi ga ne. Aluer se mba eren akaa cii sha mimi yô, kwagh la una wase se nena?
1. Ka ityôkyaa i vesen i nyi i ne ve i doo u se eren kwagh sha mimi?
Ka sea eren kwagh a mbagen sha mimi yô, se tesen ser Yehova doo se ishima shi se mba nan un icivir. Nenge kwagh ne: Yehova fa hanma kwagh u se henen ken ishima shi se eren cii. (Mbaheberu 4:13) Ka sea er kwagh sha mimi kpa ngu a fa shi ka i doo un kpaa. Mkaanem nam kaa ér: “Iferor nan ngu kwagh u ndôhôr Yehova ishima je, kpa mbaperapera yô, mba azende a Na.”—Anzaakaa 3:32, NWT.
2. Ka sha igbenda i nyi nahan se fatyô u eren kwagh sha mimi ken uma wase ayange ayange?
Yehova soo ér se ‘ôron kwagh sha mimi, hanma or a orgen.’ (Sekaria 8:16, 17) Inja i kwagh ne ér nyi? Inja na yô, aluer se mba lamen a ior mba hen tsombor wase shin mba se eren tom imôngo shin mba se civir Yehova imôngo gayô mbatomov mba gomoti kpa, mayange se er aie shin se ôr ve kwagh u una tsume a ve ga. Ior mba eren kwagh sha mimi mba iin shin mba nyighen mbagenev ga. (Ôr Anzaakaa 24:28 man Mbaefese 4:28.) Shi mba te hanma kpandegh ku i gbe u vea ta cii. (Mbaroma 13:5-7) Se mba “eren akaa cii sha mimi” sha igbenda ne man igen kpaa.—Mbaheberu 13:18.
3. Ka sea eren kwagh sha mimi yô, kwagh la a wase se nena?
Ior ka vea fa se ér se mba ior mba eren kwagh sha mimi yô, ve na se jighjigh. Ieren yase ne ka i na tiônnongo cii a lu ken mkor vough er tsombor u ior ve doo ayol a ve her nahan. Ka se lu a imoshima i wang. Shi ieren yase i mimi la ka i ‘na ityesen i Aôndo, Oryiman wase, i seer doon ior ishima,’ shi i na i sar mbagen u va fan un.—Titu 2:10.
HEN KWAGH I ZA SHIMI
Nenge er ka wea eren kwagh sha mimi ve i doo Yehova shi we kpa i doo u yô, shi hen er u fatyô u eren kwagh sha mimi sha igbenda kposo kposo yô.
4. Ieren i mimi doo Yehova ishima
Ôr Pasalmi 44:21 man Malaki 3:16, maa lam nen sha mbampin mban:
-
U nenge wer aluer u ngu ôron kwagh sha mimi ga yô, a doo ga sha ci u nyi?
-
U hen wer ka sea ôr kwagh sha mimi, kua sha shighe u i taver nahan, ka i lu Yehova nena?
Mbayev ka vea ôron kwagh sha mimi yô, ve na i saan mbamaren vev iyol. Ka sea ôron kwagh sha mimi yô, se na i saan Yehova iyol
5. Eren kwagh sha mimi hanma shighe cii
Ior kpishi nenge ér or a fatyô u eren kwagh sha mimi hanma shighe cii ga. Kpa nenge ase er i hii ve i doo u se eren kwagh sha mimi hanma shighe cii yô. Nenge VIDIO i i lu heen ne.
Ôr Mbaheberu 13:18, maa lam nen sha igbenda i se fatyô u eren kwagh sha mimi . . .
-
a mba hen tsombor wase yô.
-
hen ijiirtom shin ken makeranta yô.
-
sha ashighe agen yô.
6. Ka sea eren kwagh sha mimi yô, se zua a mtsera
Alaghga ashighe agen se er kwagh sha mimi yô, se nyôr ken zayol. Nahan cii kpa, hemba doon u eren kwagh sha mimi hanma shighe cii. Ôr Pasalmi 34:12-16, maa lam nen sha mpin ne:
-
Ka wea eren kwagh sha mimi yô, uma wou a hemba doon nena?
-
Noov man kasev ka vea eren kwagh sha mimi yô, ivese ve i seer taver
-
Mbatomov mba ve eren kwagh sha mimi yô, ior mba ve tee ve tom la ka ve na ve jighjigh
-
Ior mba ve eren kwagh sha mimi la, mbatomov mba gomoti ka ve fa ve sha ieren ve i dedoo la
IOR MBAGENEV KA VE KAA ÉR: “Mbaaie mbagen ka mba cuku, mba or a er kpa a lu kwaghbo ga yô.”
-
Er nan u ne jighjigh wer Yehova kôr hanma aie cii ihyomo?
KA NYI U HENE?
Yehova soo ér azende a na a ôron shi a eren hanma kwagh cii sha mimi.
Mbampin mba umbur kwagh u i hen yô
-
Ka sha igbenda i nyi nahan se fatyô u eren kwagh sha mimi?
-
Aluer se hen ser se fatyô u yeren mimi yô, se mba bumen ayol a ase sha ci u nyi?
-
Er nan u soo wer u eren kwagh sha mimi hanma shighe?
SEER HENEN KWAGH
Mbamaren vea tese mbayev vev u eren kwagh sha mimi nena?
Er nan ve i doo u se er kwagh u se tôndo zwa u erene?
Nenge er i hii ve i gbe u se taan kpandegh aluer mba eren kwagh a inyaregh kira sha inja ga je kpaa.
Ka nyi yange i wase orgen u nyighen ior gema inja hingir or u eren kwagh sha mimi?
“M Kav Er Yehova a Zungwen Mhôônom shi A Den Or Kwaghbo Yô” (Iyoukura, Julai 1, 2015)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
