ITYOUGH 37
Kwagh u Bibilo i Ôr sha Kwagh u Tom man Inyaregh Yô
I lu nahan ishima nyian we sha kwagh u tom man inyaregh vee? Ka i lu kwagh u ican u nengen sha mbamgbe asev shi civir Yehova er i gbe u a civir un la. Bibilo ngi a kwaghwan u injaa u una fatyô u wasen yô.
1. Ka nyi Bibilo i ôr sha kwagh u tomo?
Aôndo soo ér i kpe se iyol ken tom u se eren la. Bibilo kaa ér: ‘Kwaghdoon ugen ngu ga, saa u i kpe uma u or iyol ken tom u nan u sha ican la.’ (Orpasenkwagh 2:24) Yehova eren tom kpoghuloo. Ka sea dondon ikyav na la sha u eren tom kpoghuloo yô, i doo un shi se kpa i saan se iyol.
Tom ka kwagh u vesen. Nahan kpa, doo u mayange se de ser tom u kar u hemba se mcivir u Yehova ga. (Yohane 6:27) A tôndo zwa ér, aluer mcivir na hemba gban se ishima yô, una na se akaa a kwagh a gbe se a mi la.
2. Doo u se nengen inyaregh nena ve a lu sha injaa?
Er Bibilo i kaa ér “[inyaregh ki] kor or” nahan kpa, shi i kaa ér inyaregh tseegh ki a fatyô u nan se msaanyol ga. (Orpasenkwagh 7:12) Sha nahan yô, i taver se ishima ér se de lu mba soon inyaregh ga, kpa “akaa a [se] lu a mi la a̱ kuma” se. (Ôr Mbaheberu 13:5.) Aluer kwagh u se lu a mi la kuma se yô, ishima a kera nyian se ér se mba a kwagh ga ze. Ka se palegh u gban anzô côu côu. (Anzaakaa 22:7) Shi se palegh do u gbidyen man igbenda i keren u hingir mbainyarev a iyol nyoon shio la, nahan se war mbamzeyol kpishi.
3. Se fatyô u wasen mbagenev a inyaregh yasegh nena?
Yehova ka Aôndo u a ne kwagh mgbeghaa yô, man ka sea “naan kwagh mgbeghaa” shi sea “keghen a kegh iyol u nan mbagenev kwagh” yô, se dondon ikyav na la. (1 Timoteu 6:18) Se fatyô u eren iyua a inyaregh yasegh sha u suen tiônnongo shi wasen mbagenev mba ve lu ken ibanave la, hemban je yô, mba se civir Yehova a ve imôngo la. Ka iyenge inyar i se er iyua a mi la i gbe Yehova kwagh keng ga, kpa ka awashima wase u eren iyua la. Shighe u se ne kwagh mgbeghaa a ishima i môm yô, a saan se iyol shi Yehova kpa se na a saan un iyol.—Ôr Aerenakaa 20:35.
HEN KWAGH I ZA SHIMI
Nenge er ka sea eren tom akuma akuma shi kwagh a kuman se ve se zua a mbamtsera yô.
4. Na Yehova icivir sha gbenda u u eren tom la
Doo u ijende i se ye vea Yehova la ia mgbegha se, se lu ior mba eren tom kpoghuloo. Nenge VIDIO i i lu heen ne, maa lam nen sha mbampin mba ve dondo ne.
-
Ken vidio ne, ka nyi i doo u sha gbenda u Jason a nengen tom la kua ieren na hen ijiirtom na?
-
Ka nyi a er sha er tom ua kar a hingir tamen kwagh ken uma na ga?
Ôr Mbakolose 3:23, 24, maa lam nen sha mpin ne:
-
Er nan i gbe hange hange u se eren tom kpoghuloo?
Tom ka kwagh u vesen. Kpa doo u mayange se de ser u hingir tamen kwagh ken uma wase je, u hemba gban se kwagh a mcivir u Yehova ga
5. Kwagh ka una kuman se yô kwagh la a wase se
Ior kpishi ka ve nôngo ér vea zua a inyaregh er ve fetyô la cii. Kpa Bibilo gema wa se kwagh kposo. Ôr 1 Timoteu 6:6-8, maa lam nen sha mpin ne:
-
Bibilo taver se ishima ér se er nyi?
Aluer se mba a kwagh ave kpishi ga kpa, a fatyô u saan se iyol. Nenge VIDIO i i lu heen ne, maa lam nen sha mpin u a dondo ne.
-
Er icombor la i lu a inyaregh kpishi ga nahan kpa, ka nyi i ne ve i lu saan saan?
Nahan aluer se mba a kwagh ave kpishi kpa shi se soo u seer lun a mi di ye? Yesu yange ôr kwagh u tesen er kwagh ne a lu kwaghbo yô. Ôr Luka 12:15-21, maa lam nen sha mpin ne:
-
Ka nyi u hen ken kwagh u Yesu ôr laa?—Nenge ivur 15.
Ôr Anzaakaa 10:22 maa tôô kar sha 1 Timoteu 6:10. Maa lam nen sha mbampin mban:
-
Ka nyi u hen wer i hemba ngin kwagh u vesene? Ka u yan ijende vea Yehova shin ka u lun a inyaregh kpishi? Er nan u ôr nahana?
-
Ka sea yem zendan inyaregh yô, ka mbamzeyol mba nyi ka se tagher a mi?
6. Yehova una nenge sha mbamgbe asev
Shighe u se tagher a mbamzeyol ken tom shin se lu a inyaregh kpishi ga yô, kwagh la ka a wase se u fan aluer se na Yehova jighjigh yô. Nenge VIDIO i i lu heen ne sha er u fa kwagh u se er shighe u se tagher a akaa a karen jighjigh wase yô, maa lam nen sha mbampin mba ve dondo ne.
-
Ken vidio la, ka mbamtaver mba nyi anmgbian la a tagher a mi?
-
Ka nyi a er sha u nôngon a mbamtaver mbara?
Ôr Mateu 6:25-34, maa lam nen sha mpin ne:
-
Yehova tôndo zwa ér una er a mba mcivir na a hembe gban ve kwagh la nena?
IOR MBAGENEV KA VE KAA ÉR: “Gba u me er tom kpoghuloo sha er me nenge sha tsombor wam yô. Me fatyô u zan mbamkombo mba tiônnongo hanma kasua ga.”
-
Ka hanma ivur Bibilo i wase u u lu a vangertiôr wer hemba doon u mcivir u Yehova una lu u kwagh u vesen hanma shighe ciilii?
KA NYI U HENE?
Tom u uke man inyaregh ka akaa a hange hange, nahan kpa mayange doo u se de ser a dan se u civir Yehova ga.
Mbampin mba umbur kwagh u i hen yô
-
Ka nyi ia wase u u eren tom kpoghuloo, kpa geman ishima you cii veren sha kwagh u tom ga?
-
Aluer kwagh ngu kuman we yô, kwagh la una wase u nena?
-
U tese wer u na ityendezwa i Yehova a er ér una nenge sha ior nav la jighjigh nena?
SEER HENEN KWAGH
Hen fa aluer Bibilo kaa ér inyaregh ka kwaghbo yô.
“Inyaregh Ka Mise u Hanma Kwaghbo Ciili?” (Ngeren u sha Intanet)
Hen kwagh u se er a inyaregh yasegh ve a doo Aôndo yô.
“Ka Nyi Bibilo i Ôr sha Kwagh u Iyua i Erene?” (Ngeren u sha Intanet)
Do u gbidyen ka kwaghbo?
Nenge kwagh u yange wase orgen de u gbidyen do shi de iv yô.
“Ayem a Gban sha Anyinya . . . Lu Kwagh Wam Kpen Kpen” (Iyoukura, Janawari 1, 2012)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
