ITYOUGH 59
U Fatyô u Wan Ishima Shighe u I Lu Tôvon We a Ican Yô
Ica a gba ga tsô ior vea nôngo ér vea yange hanma wase u civir Yehova shin vea tôv se a ican. Nahan gba u se cia?
1. Er nan i doo u se ver ishima ser a tôv se a icana?
Bibilo pase se wang ér: “Mba i sar ve u civir Aôndo ken mzough vea Kristu Yesu cii, ve kpa a tôv ve a ican.” (2 Timoteu 3:12) Yange i tôv Yesu a ican sha ci u lu or u tar u Satan ne ga. Se kpa se mba ior i tar ne ga, sha nahan yô, ugomoti mba tar ne kua iniongo i ukwaghaôndo ka vea tôvon se ican kpa, i kpiligh se iyol ga.—Yohane 15:18, 19.
2. Se wa agoyol se keghen a kegh shighe u a tôv se a ican la nena?
Gba u se hemba suur sha Yehova hegen cii. Hanma iyange yô, eren msen hen a na shi ôron Mkaanem nam. Zaan mbamkombo mba tiônnongo hanma shighe. Aluer u ngu eren akaa ne yô, u zua a agee a wan ishima a nyityô ican i u tagher a mi cii, mayange u cia ga, aluer ka mba hen tsombor wou ve lu tôvon we a ican je kpaa. Apostoli Paulu u yange i tôv un a ican acin imôngo la, nger ér: “Yehova ka orwasen mo; me cia ga.”—Mbaheberu 13:6.
Kwagh ugen u shi una wase se u taver ishima yô, ka u pasen kwagh hanma shighe. Ka sea pasen kwagh yô, se hen u suur sha Yehova shi se de u cian ior. (Anzaakaa 29:25) Aluer u taver ishima u ngu pasen kwagh hegen yô, kwagh la una wa u agoyol a pasen kwagh shighe u gomoti a yange tom wase kpaa.—1 Mbatesalonika 2:2.
3. Ka a tôvon se a ican kpa sea za hemen u civir Yehova sha mimi yô, kwagh la ka a wase se nena?
Ka a tôvon se a ican yô i vihi se, kpa ka sea wa ishima yô, jighjigh wase a seer taver. Ka sea nenge er Yehova a wase se shighe u se nenge ser se mba a tahav ga la yô, se hemba lun kôôsôô a na cii. (Ôr Yakobu 1:2-4.) Ka sea yaan ican nahan i vihi Yehova tsung, kpa ka sea gema a wa ishima yô, i doo un kpishi. Bibilo kaa ér: “Aluer ne mba wan ishima a ican sha ci u ne er kwagh u dedoo yô, kwagh ne ka kwagh u doon Aôndo.” (1 Peteru 2:20) Aluer se wa ishima, se mba civir Yehova sha mimi yô, una va na se injar i uma u tsôron ken tar u he. Shighe la, ior mba vea lu ker cii vea lu civir Yehova shi or môm nana hendan a ve ga.—Mateu 24:13.
HEN KWAGH I ZA SHIMI
Hen fa er aluer mba tôvon se a ican je kpa se fatyô u civir Yehova sha mimi yô, man er Yehova una va na se injar la kpaa.
4. Aluer mba hen tsombor wou mba tôvon we a ican kpa u fatyô u wan ishima
Yesu yange fa dedoo er mbagen hen tsombor wase vea soo ér se civir Yehova ga yô. Ôr Mateu 10:34-36, maa lam nen sha mpin ne:
-
Or ka nana tsua u civir Yehova nahan, mba hen tsombor u nan ve er nena?
Wea soo u nengen ikyav i kwagh ne yô, nenge VIDIO i i lu heen ne, maa lam nen sha mpin u a dondo ne.
-
Shighe u or u hen tsombor wou shin ijende you nan nôngo ér u de u civir Yehova yô, u er nena?
Ôr Pasalmi 27:10 man Marku 10:29, 30. Ne ôron avur ne ne been yô, lam nen sha mpin ne:
-
Aluer mba hen tsombor wou shin azende a ou soo ér u de u civir Yehova yô, ityendezwa ne ia wase u nena?
5. Aluer mba tôvon we a ican kpa za hemen u civir Yehova her
Ka i gba u se taver ishima ve se za hemen u civir Yehova shighe u mbagenev ve lu nôngon ér se de u civir un la ye. Nenge VIDIO i i lu heen ne, maa lam nen sha mpin u a dondo ne.
-
Kwagh u anmgbianev mba ken vidio ne taver we ishima nena?
Ôr Aerenakaa 5:27-29 man Mbaheberu 10:24, 25. Ne ôron avur ne ne been yô, lam nen sha mpin ne:
-
Er nan ve i gbe hange hange u se za hemen u civir Yehova aluer gomoti yange se u pasen kwagh shin zan mbamkombo je kpaa?
6. Yehova una wase u u wan ishima
Mbashiada mba Yehova sha tar cii, mbayev man mbaganden za hemen u civir Yehova sha mimi shighe u i tôv ve a ican yô. Wea soo u fan kwagh u yange wase ve yô, nenge VIDIO i i lu heen ne. Maa lam nen sha mpin u a dondo ne.
-
Ka nyi yange i wase Mbashiada mba ken vidio ne u wan ishima?
Ôr Mbaroma 8:35, 37-39 man Mbafilipi 4:13. Ne ôron avur ne ne been yô, lam nen sha mpin ne:
-
Avur ne tese ér u fatyô u wan ishima a hanma kwagh u karen jighjigh wou cii nena?
Ôr Mateu 5:10-12, maa lam nen sha mpin ne:
-
Aluer mba tôvon we a ican kpa a fatyô u saan we iyol nena?
Mbacivir Yehova umiliôn imôngo wa ishima a ahendan shi hemba kpaa. We kpa u fatyô!
IOR MBAGENEV KA VE KAA ÉR: “Me fatyô u wan ishima shighe u i lu tôvon mo a ican ga.”
-
Ka avur a Bibilo a han nahan aa fatyô u wasen ve u taver ishima?
KA NYI U HENE?
Ka a tôvon se a ican kpa sea za hemen u civir Yehova sha mimi yô, i doo un a vese kpen kpen. Sha iwasen na yô, se fatyô u wan ishima!
Mbampin mba umbur kwagh u i hen yô
-
Gba u Mbakristu vea ver ishima ér a tôv ve a ican sha ci u nyi?
-
Ka nyi u fatyô u eren hegen sha u wan agoyol keghen shighe u a va tôv se a icana?
-
Ka nyi ia wase u u lun a vangertiôr wer u za hemen u civir Yehova aluer u tagher a akaa a karen jighjigh wou kpaa?
SEER HENEN KWAGH
Nenge er gumor ugen a pase er Yehova yange wase un u wan ishima shighe u i wuhe un ken purusu, sha ci u un venda u wan ave sha akaa a taregh yô.
Nenge kwagh u yange wase orgen vea kwase na u civir Yehova sha mimi shin er i hendan a ve anyom imôngo nahan kpaa yô.
Hen fa er u fatyô u wan ishima shighe u i lu tôvon we a ican yô.
Shighe u mba hen tsombor wase ve lu hendan a vese yô, se er nan ve se za hemen u lun a ve bem bem shi se civir Yehova sha mimi?
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
