1. Ter wase ka u dooshima.

A kaa ér, ‘va nen hen mo.’

Nahan, alu se soo Ter man

Ior cii yô, se wase ve.

Ka kwagh u nan se uma je;

Uma u se keren la.

Yô, se tesen nen hanma or

Dooshima u Kristu la.

2. Ter u doo se ’shima, yô se

Soo anmgbianev asev cii.

Yehova, u ne se iwasen;

Agee ou nga taver se.

Dooshima gbe ’yuhe ga, shi

We ’shima a hanma kwagh.

Yô, se doo nen a anmgbianev;

Se wase nen hanmô ve.

3. We yô, tesen ior dooshima;

’Yugh i de hemen we ga.

Pine Ter iwasen, una nau.

Nôngo fa tindi na la.

Ka u soon Aôndo Ter man

Shi ior doon se ’shima la.

Yô, se dondo nen Yehova

Sha u tesen dooshima.