1. Se fa kwagh u Sara, yange civir Ter,

Rutu man Eseter, yan ve fa kwagh je.

Ve wa kwagh u Ter wase ’kyo hemba cii.

Amba ve la kpishi se fa ve sha ’ti.

Mbagenev kpa na jighjigh kpa mbara,

I fa ve sha ’ti ga; Yehova soo ve cii.

2. ’Shima i taver, erdoo man shi kwaghfan;

Hanma or yô, aeren ne doo nan je,

Se nenge yô, kasev mban kpa tese a.

Lu kasev mba lun a ’nja, se hungur ga.

Shighe ne kpa, anmgbianev mba kasev

Mba civir Yehova, yô se dondo nen ve.

3. Ne doo se ’shima, ônkasev, man ungô

Ka ne pe shiren tom, ne er u kpishi.

Ne palegh ’hyagh i tan, man ’tyough ki taver,

De zungwen nen ga; Yehova lumun ne.

Ngu suen ne, anmgbianev mba kasev,

Taver nen ’shima her; ne va ember keng je.