1. Se mba taver anmgbianev ’shima;

Ka se pe ungwan imo you, Ter.

Man dooshima kange se ’môngo;

Yô, se mba ken bem man mzough.

Se fa dooshima u anmgbianev

Wasen shi ne se ’shimawan.

Ter we u ver ape se za yer;

Ka ken atôônanongo ou.

2. Kwaghôron u a lu sha shighe

Doon se, ka kwagh u wasen se.

Kwaghôron shon la ngu a due

Ka hen hanma huror wase.

Doo se u lun ’môngo ken bem shi

Civir Yehova a ve cii.

Gba se ’shima u nan hanma or

Iwasen, nahan se wase ve.

3. ’Yange i Ter Yehova zurum.

Se na jighjigh, man shi se fa,

Nahan se soo u kohol ’môngo,

Sha er se taver ken tom wou.

Gba se ’shima u lun vea ior,

Mba fan Yehova Ter wase.

Yô, se taver anmgbianev ’shima,

Se undu mimi ne je ga.