1. Yehova na se takeda u ’njaa je,

Ngu ne se bem, iember, ’shimaveren.

Mkaanem ma u doo shi ma geman se;

Ma ne uma shi ma ne se kwaghfan.

Bibilo ka takeda u Yehova.

Ngi a mkaanem ma Yehova Ter,

Ior mba civir Yehova yan ve nger ma

Jijingi u Ter na ve nger ma cii.

2. Ngeren ve ne na se fa mimi sha kwagh

U ’gbetar, se fa Ter gba sha man tar.

Man er yange i gba oruma lu ken

Paradiso kpa hegen ne ngu ga.

Shi i ôr se ér ortyom ugen yan puu

Hemen u Ter, yan laha Ter ’yolna.

Ieren na ne na se ’shol’bo man ’jungwen,

Kpa shi ’ca ga tsô, Ter una hemba.

 3. Hegen ne se ember, Ter Yesu ya Tor;

Yehova ngu hemen se sha ’kyev na.

Yô, se ôr tar ne loho u Tartor, man

Averen a u, hanma kwagh u doon.

Loho u dedoo ngu ken takeda ne;

Ka takeda u lun er ka kwaghyan.

Ior cii ve ôr u, ngu ne bem u mimi;

Yô, se ôr nen takeda u ’njaa ne.