KURAN NEN!
Ka An U Na Nan Jighjigh?—Bibilo Kaa Ér Nyi?
Ior ka vea nenge ior mba ma i ne ve jighigh la vea kera eren kwagh a u na ve jighjigh ga yô, iyol i kpe ve kpishi. Kwagh ne na yô, mbagen mba kera ne or môm jighjigh ga . . .
ve de u nan mbahemenev mba gomoti mba ve keren mtsera ve, i lun mtsera u ishamior ga la jighjigh.
ve de u nan mbaabaver mba ve ne abaver a mimi man a vough ga la jighjigh.
ve de u nan mbasainsi mba ve eren kwagh u una hemba wasen ior ga la jighjigh.
ve de u nan mbahemenev mba kwaghaôndo mba pati a hemba doon ve a kwagh u Aôndo la jighigh.
Gbenda u ior ve lu tsevaa hegen, i lu hanma or ve ne nan jighjigh ga la ka kwagh u dedoo. Bibilo ta se icin ér:
“De suur nen sha mbatarev, sha wan u or u iwasen i lu her a na ga la ze.”—Pasalmi 146:3.
Or u u na nan jighjigh yô
Bibilo ôr se or u se fatyô u nan nan jighjigh yô, ka Yesu Kristu. Yesu ka di or u injaa u yange lu shin tar anyom uderi imôngo ken ijime ga. Aôndo tsua Yesu ér a “tema Tor . . . , shi Tartor na kpaa ua kar kera mayange ga.” (Luka 1:32, 33) Yesu ka Tor u Tartor u Aôndo, ka gomoti u a lu hemen sha hegen la.—Mateu 6:10.
Wea soo u fan er i hii ve i doo u u na Yesu jighjigh yô, ôr ngeren u a lu a itinekwagh ér “Ka An Nan Lu Tor u Tartor u Aôndo?” man u “Ka Nyi Tartor u Aôndo Ua Va Ere?” la
Kwagh Ugen u Alaghga Shi Una Doo U Yô
ATESEN A BIBILO A HANGE HANGE
Ka Nyi I Lu Tartor u Aôndo?
Yesu yange hemban tesen ior kwagh u Tartor u Aôndo shighe u lu eren tom na la. Mbadondon un ndera eren msen sônon ér Tartor la u va anyom kar hegen uderi imôngo.
IYOUKURA
Tartor u Aôndo
Akaa ataratar a sha kwagh u Tartor la tese ér mayange je ua a anyighe ga.
ATESEN A BIBILO A HANGE HANGE
Se Er Nan Ve Se Fa Ser Akaa a I Nger ken Bibilo la Ka a Mimi?
Aluer ka Aôndo yange na i nger Bibilo yô, gba u ia lu kposo a ityakerada igen cii.
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
