Ôr Genese 25:29-34 nahan nenge aluer Isou man Yakob yange vea tsua akaa sha inja yô.

Hen sha kwagh u u ôr la i za shimi. Ka nyi yange i er cii ve kwagh shon ere? (Gen. 25:20-28) Ka nyi yange i va er shighe u kwagh shon er kera laa?—Gen. 27:1-46.

Tôv sha kwagh u u ôr la. Sha ayange la, ka nyi yange i gba u waniunda nana ere, man ka akaa a nyi nahan i lu u nana zua a mini?—Gen. 18:18, 19; w10 5/1 13.

• Yange gba u Mesiya una va ken tsombor u or u nan lu waniunda tseeghlee? (w17.12 14-15)

Gbidye kwar sha akaa a u hen la, shi dondo a ken uma wou. Er nan ve ian i waniunda la, yange i hemba gban Yakob kwagh a Isou? (Heb. 12:16, 17; w03 10/15 28-29) Yehova yange nenge Yakob man Isou nena, man lu sha ci u nyi? (Mal. 1:2, 3) Ka nyi Isou yange ma er sha er una tsua akaa sha injaa?

• Pine iyol you wer, ‘Me tese mer mcivir u Yehova gbam kwagh kpishi shighe u m lu tsuan akaa m soo u eren ken kasua, nahan veren shighe u mo vea tsombor wam eren mcivir u hen tsombor kpa?’