Anmgbianev asev mba nomso man mba kasev kpishi mba pasen kwagh a ngeren mba ka i ver sha peeji u hiihii u jw.org la. Ngeren mban mba ican u tindin or a mi sha Intanet ga, shi ka ve pase er akaa a a lu zan hemen sha tar hegen ne a lu kuren kwagh u Bibilo i tsenga ôron yô. Anmgbian ugen nger ér, ka ngeren mba i veren sha peeji u hiihii u jw.org la je ve “hembe doon u eren tom a mi sha gbenda u se pasen kwagh hegen la ye.”

Kpa ka i musan ngeren mban fele fele, nahan u er nan ve u zua a ngeren mba yange i ver sha peeji u hiihii u jw.org kpa ve kera lu her ga laa?

• U bughun peeji u hiihii u jw.org/tiv la yô, kighir sha ityough nagh henpe i nger ér “Ityakerada” la, maa kighir henpe i nger ér “Ngeren mba I Duen a Mi Hanma Shighe Yô” la, maa mase kighir ape i nger ér “Atineakaa Kpishi” la. Nahan u zua a ngeren kpishi mba yange i ver sha peeji u hiihii u jw.org kpa ve kera lu her ga la hen ijiir ne.