Se cii ashighe agen ka i taver se u umbur kwagh u se hen yô. Kpa ka i gema i lu se zange u umbur ityesen i Yesu sha ci u yange a tese ikyav sha akaa a ka a wase se u umbur yô. Ka se fatyô u nengen akaa a a tese la ken ishima, nahan kwagh la a wase se u umbur a. We kpa aluer u ngu nengen a kwagh u u lu henen la ken ishima you yô, kwagh la una wase u u umbur un. U er kwagh ne nena? U er nahan sha u kperan ufoto shighe u u lu henen kwagh yô.

Ior mba ka vea hen kwagh u he ve ve kpera foto u kwagh shon la ka taver ve u umbur kwagh shon ga. Ufoto mbara ka ve wase ve u kaven kwagh la kua akaa a vesen a ve hen la tsembelee. Mba tôôn shighe gôgônan u kperan ufoto mbara er mbakperan kwagh ve eren la ga, kpa ka ve kpera ve akuma akuma. Shi ikyav tese ér mba ve bee iyol la ka vea kperan ufoto shighe u ve lu henen kwagh yô, kwagh la a hemba wasen ve u umbur kwagh u ve hen la.

Nahan shighe ugen u lu henen kwagh yô, nôngo u kperan ufoto mba kwagh u u hen la. Aluer u er nahan yô, u umbur akaa kpishi je a kpiligh we iyol!