Ôr Genese 37:23-28; 39:17-23, nahan nenge er Yosev yange wa ishima a akaa a i er a na shami ga yô.

Time sha akaa agen a i ôr la. Er nan ve mbagenev yange ve er kwagh a Yosev sha mimi ga? (Gen. 37:3-11; 39:1, 6-10) Yange wa ishima a ieren i mimi ga la kuma shighe nena? (Gen. 37:2; 41:46) Ka nyi Yehova yange er sha ci u Yosev sha shighe la man ka nyi yange er ga?—Gen. 39:2, 21; w23.01 17 ¶13.

Hen kwagh i za shimi. Shin er kwagh u kwase u Potifar wa Yosev iyol la lu mimi ga nahan kpa, Bibilo ôr kwagh u tesen ér Yosev yila kwase la aie ga. Avur a Bibilo a a dondo ne aa wase se u henen sha kwagh u alaghga na ve Yosev bugh zwa sha mbaaie mba i wa un iyol la ga, man er i hii ve i gbe u se ver ishima ser i ôr se hanma kwagh vindi vindi ga yô. (Anz. 20:2; Yoh. 21:25; Aer. 21:37) Ka aeren a nyi nahan alaghga yange wase Yosev u wan ishima a ieren i mimi ga?—Mika 7:7; Luka 14:11; Yak. 1:2, 3.

Ka akaa a nyi u hene? Pine iyol you wer:

• ‘Ka nyi nahan a fatyô u eren a mo shami ga, sha ci u m ngu orhenen u Yesu yumu?’ (Luka 21:12, 16, 17; Heb. 10:33, 34)

• ‘Ka nyi me fatyô u eren hegen sha er ia va wasem u wan ishima a ieren i mimi ga?’ (Ps. 62:7, 8; 105:17-19; w19.07 2-7)