Se mba uma sha shighe u doon kpen kpen. Yehova ngu wasen se u kaven Mkaanem nam seer a seer. (Dan. 12:4) Kpa alaghga ashighe agen a taver u fan er i sember nyôôso mkav u mimi u Bibilo yô. Ka han se zua a akaa a i seer kaven la man gbenda u i te iwanger sha mi laa?

• Nenge takeda u Watch Tower Publications Index, sha itinekwagh i kiriki i “Beliefs Clarified” la. I ver ngeren mba akaa a i seer tan iwanger sha mi, sha anyom a i nyôôso mkav la vough vough. Wea soo u nengen a atineakaa a ngeren mbara yô, nger wer “understanding clarified” (er i nger i tsegha keen man keen nahan) hen an-ijiir u keren kwagh sha Watchtower Library la, gayô sha Watchtower ONLINE LIBRARY^™.

• Takeda u Research Guide for Jehovah’s Witnesses la ngu a ngeren mba sha akaa a i seer tan iwanger sha mi la kpuaa tseegh. I ver ve sha atineakaa a i nyôôso mkav la vough vough. Nenge ape i nger ér “Jehovah’s Witnesses” la, maa za hen “Views and Beliefs,” maa nenge itinekwagh i “Clarification of Our Beliefs” la.

Shighe u u lu henen kwagh sha tseeneke wou yô, tsua ma kwagh u i sember nyôôso mkav wase sha mi yô, nahan tôv sha mi nenge er i seer kaven kwagh shon hegen la, kua atôakyaa a i zough a mi ken Ruamabera, a a ne ve i nyôôso mkav shon la kpaa.