Mba samber a abaver hegen kpishi sha akaa a ior ve lu eren u tesen ér ve kôr mbagenev ihyom la. Ikyav i tesen yô, ior ka ve ngeren akaa sha Intanet, shin ve tindin a uwashika, gayô ve eren kwagh a ma nongoior sha igbenda i tesen ér ve kôr nongoior la ihyom. Shi hen sha akaa agen a ior ve lu tagher a mi nyian ne, er kwagh u mbavia a mbavia, man iti i bo i ka i na ma nongoior la, man tarnahan, man ilyahan man ityuhwanev, man ieren i anger mbagenev a ku, kua ayôôso a ior ka ve er ve vihi mbagenev akaa la kpaa. Ior mba yan ican sha akaa ne hanma ijiir cii sha tar, sha ci u ihyom i i kôr ve la.

Magazin ne tese er a er ve ihyom ia bee yô. Kwagh ne ka mnyamciem tsô ga. Kwagh ugen ngu u a lu wasen ior u geman uuma vev hegen yô. Shi ior vea za hemen u geman zan zan ihyom ia va kera lu sha tar ga gbem sha won.