Diabolo Ka Ana, Shin Ka Nyi?
Diabolo Ka Ana, Shin Ka Nyi?
U KAA WER Diabolo ka . . .
Or u ken jijingii?
Ka ikyav i kwaghbo u a lu or ken ishima yôô?
Ka ieren i bo i i dugh ken ishima i or yôô?
KWAGH U BIBILO I KAA YÔ
Diabolo yange lam vea Yesu je shi “mee” un kpaa. (Mateu 4:1-4) Sha nahan yô, Diabolo ka kwagh u ken ishima ga, shi ka ikyav i kwaghbo di tsô ga. Kpa ka iferor u ken jijingi.
KA NYI IGEN KPA BIBILO I TESE SE?
Sha hiihii la Diabolo lu ortyom u wang je, kpa va kera “tile sha mimi ga.” (Yohane 8:44) Yange gema hingir oraie shi hendan a Aôndo.
Yange mbatyomov mbagenev kpa kohol Satan ken ihyembeato ne.—Mpase 12:9.
Diabolo pir ior kpishi ashe ér ve de fe ér un ngu ga.—2 Mbakorinte 4:4.
Diabolo una fatyô u hemen ioro?
IOR MBAGENEV KAA ÉR kwagh u i kaan ér Diabolo hemen ior la ka aie purututu, mbagenev di yô ka i cier ve iyol er ujijingi mba bov vea va nyôr ken a ve nahan. We u nenge nena?
KWAGH U BIBILO I KAA YÔ
“Tar cii ngu sha ikyev i Orbo.” (1 Yohane 5:19) Akaa kpishi a uumace ve eren la ka Diabolo a ne ve ve eren a ye, kpa ka uumace cii a hemen ve ga.
KA NYI IGEN KPA BIBILO I TESE SE?
Diabolo ka a eren ayom sha er una seer zuan a ior kpishi mba eren ishima na yô.—2 Mbakorinte 11:14.
Ujijingi mba bov vea fatyô u hemen ior sha akaa agen.—Mateu 12:22.
Sha iwasen i Aôndo yô, u fatyô u ‘hendan a diabolo.’—Yakobu 4:7.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Aôndo Yange Gba Diabolo?
Ka han Satan a dughu? Nenge er i hii ve Yesu yange kaa ér Diabolo va kera “tile sha mimi ga” yô.
