U Fatyô u Zuan a Uma u Hemban Doon Nena?
GBENDA u uumace ve lu eren kwagh ken uma nyian ne, kaha kposo a kwagh u Aôndo soo la. Tar ne ma u iv a ior mba ve ne hementor u Orgbanakaa icivir la, shi ma ve lu zuan a mtsera ken hemen na, shi ma ve lu a dooshima man aeren a na a dedoo agen la kpaa. Aôndo yange soo ér ve lu saan saan, er vea lu tseren icombor, shi vea lu zuan a akaa a he shi vea lu geman tar cii hingir paradiso la.
AÔNDO TÔNDO ZWA ÉR UNA VA GEMA UMA U SHIN TAR NE LA UNA LU SHA GBENDA U YANGE WASHIMA ÉR A LU LA
-
“A er ityav mbi bee zan zan ar hen ikighir i tar je.”—Pasalmi 46:9.
-
“Shighe u á tim mba ve lu vihin tar” la kuma.—Mpase 11:18.
-
“Or u nan tem ker kpaa nana kera kaa ér: Kwagh nyoon mo, ga.”—Yesaia 33:24.
-
“Uicuwan Av kpaa vea ya tom u ave ve zan zan je.”—Yesaia 65:22.
Akaaôron a profeti ne aa va kure nena? Aôndo tsua Wan na, Yesu ver un Tor u gomoti u vough, u una va hemen tar ne, kpa gomoti ne iyol na yô, una lu sha. Bibilo yila gomoti ne ér, Tartor u Aôndo. (Daniel 2:44) Bibilo ôr kwagh u Yesu kaa ér: “Aôndo kpaa Una na Un ikyônough ki torough . . . . Una lu tor.”—Luka 1:32, 33.
Shighe u Yesu lu shin tar ne la, a er uivande kpishi sha u tesen ér, er un lu Tor yô, una va na uumace uma u una hemba doon a u se lu a mi hegen ne yô.
YESU YANGE TESE AKAA A DEDOO A UNA VA ER A UUMACE MBA VE ONGO KWAGH LA YÔ
-
Yange bee hanma inja i uange, sha u tesen er una va bee uumace hanma inja i mkpeyolga cii yô.—Mateu 9:35.
-
Yange venda kwagh a zegemnger, sha u tesen ér una va kura ior, sha u vendan kwagh a akaa a sha igbetar a a eren tahav la.—Marku 4:36-39.
-
Yange na ior udubu imôngo kwaghyan, sha u tesen ér una va na ior akaa a hange hange a ken uma la.—Marku 6:41-44.
-
Yange gema mngerem hingir wain hen iniongo i orkwasehe, sha u tesen ér una va wase uumace vea ember uma tsung.—Yohane 2:7-11.
U fatyô u zuan a uma u Aôndo a soo ér mba un doo ve ishima ve va lu a mi la nena? “Gbenda” ngu u i gbe u u za sha u yô. Bibilo pase u ér ka, ‘gbenda u u ze sha uma la, mbazuan a mi mba kpeghee tsô.’—Mateu 7:14.
ER U ZUA A GBENDA U ZAN KEN UMA U HEMBAN DOON LA YÔ
Ka nyi i lu gbenda u zan ken uma laa?Aôndo kaa ér: “Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zenden sha mi la.” (Yesaia 48:17) U zenden sha gbenda ne la, ka uma u hemban doon cii.
Yesu kaa ér: “Mo M ngu gbenda man mimi man Yohane 14:6) Aluer se er kwagh u Yesu a kaa la shi se mba dondon ikyav na la yô, se kporom ikyua a Aôndo shi uma wase kpa una hemba doon.
uma.” (U er nena ve u zua a gbenda u zan ken uma laa? Ukwaghaôndo mba kpishi kpa Yesu yange ta icin nahan ér: “Ka hanma or u nana kaa a Mo ér, Tere! Tere! man nana nyôr sha tartor u Sha ga, saa u nan eren ishima i Terem u A lu Sha yô.” (Mateu 7:21) Shi kaa ér: “Ka sha atam a ve man né fa ve ye.” (Mateu 7:16) Bibilo ia fatyô u wasen we u fan kwaghaôndo u mimi la.—Yohane 17:17.
Se fatyô u hiin u zan sha gbenda u uma la nena? A gba u se hen se fa kwagh u or u a ne hanmaor uma la: Ka an laa? Iti i nan ér ana? Ka nyi or nan lu? Nan ngu eren nyi sha ci wase? Ka nyi nan soo ér se ere? *
Aôndo soo ér uumace ve er kwagh i hemba di u eren tom shi yan kwagh shi numben kua u tseren tsombor tseegh tsô la. Se fatyô u fan Orgban wase shi hingir azende na. Se fatyô u tesen ser a doo se ishima, sha u eren ishima na. Yesu yange kaa ér: “Man uma u tsôron yô, ka u ve̱ fa U, We Aôndo u mimi tswen.”—Yohane 17:3.
AÔNDO KA A TESE U KEN BIBILO SHA ER A LU U “A INJA” YÔ.—YESAIA 48:17
ER U TÔÔ NGUHAR KU HIIHII U ZAN ZENDE WOU YÔ.
Aluer se hen se fa kwagh u Aôndo a soo ér se er yô, a alaghga se sôr akaa ken uma wase. Man kwagh ne una fatyô u lun kwagh u taver. Kpa aluer se hii u zan sha gbenda u zan ken uma la yô, uma wase una va hemba doon. Wea soo u zuan a mbamlumun sha mbampin mba vesen sha kwagh u Aôndo yô, Mbashiada mba Yehova mba henen Bibilo a we gbilin sha shighe man hen ijiir i hembe doon we la. Aluer u za sha ijiir yase i sha Intanet i www.pr418.com la yô, u fatyô u zuan a vese.