U Fatyô u Tsuan Er U Soo Wer i Va Lu U ken Hemen La
Yehova Aôndo yange ôr mbacivir un kwagh u vea er ve vea lu ken mkpeyol yô, anyom kar hegen er 3,500 nahan, a kaa ér: “M ver uma man ku sha ishigh yough, man shi iveren man ifyan; yô, tsuwa uma sha er ú lu uma, we a tsombor wou” yô.—Duteronomi 30:19.
Yange gba u ior mbara vea tsua kwagh u vough, sha er vea tema ken mkpeyol yô. Nyian kpa ka kwagh shon môm i gbe u se tsua ye. Bibilo pase se kwagh u se tsua ve una va se a mkpeyol yô, ér: ‘TER, Aôndo wou, A̱ doo u ishima, ungwan imo Na.’—Duteronomi 30:20.
AÔNDO UNA DOO SE ISHIMA SHI SE UNGWAN IMO NA NENA?
HEN KEN BIBILO: Kwagh u u er ve Yehova Aôndo una doo u ishima yô, a gba u u hii henen kwagh na ken Bibilo. Aluer u ngu eren nahan yô, u kav er a lu Aôndo u se doo un ishima shi a soo ér se lu ken mkpeyol yô. A kaa ér we u eren msen hen a na ‘sha ci u kwagh wou gba un ishima.’ (1 Peteru 5:7) Bibilo kaa ér aluer u ngu nôngon wer u fa kwagh u Aôndo yô, ‘una kporom hen a we.’—Yakobu 4:8.
DONDO KWAGH U U LU HENEN LA: U ungwan imo i Aôndo la inja na yô, ka u dondon kwaghwan na u a lu ken Bibilo la. Aluer u ngu eren nahan yô, “ikyôr ia lagh u sha akaa cii, shi ka nahan man ú er kwagh sha inja kpaa ye.”—Yosua 1:8.
^ Ikyum. 7 Antakeda ne ngu ken zwa Hausa kpaa, kua Pidgin (West Africa).
Tsua hegen wer Bibilo i wase u sha er u va lu ken mkpeyol yô!
Kwagh Ugen u Alaghga Shi Una Doo U Yô
IYOUKURA
Mlu Wou u ken Hemen, Kwagh u U Tsough La!
Ior mbagenev na jighjigh ér ma tahav mbu mbu vande tsuan kwagh u una va za hemen ken uuma vev yô. Kpa kwagh ne ka mimii?
