Bibilo Kaa Ér Nyi?
Armagedon ka nyi?
Ior mbagenev na jighjigh . . .
ér ka zege utya u a nôngo sha ubom mba bughur man ugbuuka sha u timin tar kera yô. We u kaa wer nyi?
Kwagh u Bibilo i kaa yô
Armagedon ka “ityav mbi iyange i vesen i Aôndo, Uhembanagee” una nôngo a mbaaferev sha u timin ve kera yô.—Mpase 16:14, 16.
Ka nyi igen kpa Bibilo i tese se?
Aôndo ngu nôngon ityav mbi Armagedon mbin sha u timin tar u se tem sha u ne kera ga, kpa ka u kuran u sha u karen a uumace mba ve lu vihin u la kera.—Mpase 11:18.
Ityav mbi Armagedon mbira mbia bee a ityav cii sha tar kera.—Pasalmi 46:8, 9.
Or a fatyô u waren ityav mbi Armagedon je kpa?
U kaa wer nyi?
Een
Ei
Alaghga
Kwagh u Bibilo i kaa yô
“Zegeikpelaior” i i due ken hanma tar cii yô, ia war “zegecan,” u una er zan zan una za kuusu sha ityav mbi Armagedon la.—Mpase 7:9, 14.
Ka nyi igen kpa Bibilo i tese se?
Sar Aôndo u ior kpishi ma ve war ityav mbi Armagedon la. Ka i hemba un a hemba ve a tim iferor ye. —Esekiel 18:32.
Bibilo pase kwagh u or a er ve nana war Armagedon yô.—Sefania 2:3.
