Ibaver I Mba Yôôn Tartor

U̱ Wasen Anzaaior Kposo Kposo ke’ Tar u Netherlands

JIGHJIGH u nan u Aberaham yange gande cihi. Apostoli Paulu kaa wener “zum u i yila [Aberaham] yô,” a vengese imo i Aôndo man “a due kpa a fa ape a lu zan je ga.” Er Aberaham duen a tsombor na jimin cii yô, maa a “za tema ken tar u ityendezwa” anyom deri môm a a mase shin uma sha tar la cii.—Mbaheberu 11:8 9.

Ainge kpaa, Mbashiada mba Yehova lumun tom u undun ajiir a ve yemen ityar igenegh sha u za eren tom hen ape kwagh a hembe gban sha iwasen la. Mbagenev hen ijô kposo kposo sha u vea fatyô u eren shiada hen atôatyev a á ve shir ke’ tar ve la yô. Er akav a á dondo ne a tese nahan, imba ieren i dedoo ne i̱ bugh ‘hunda u vesen u eren tom’ ke’ tar u Netherlands hen ape iorov miliôn môm ken ato u miliôn 15 cii ve lu ushirmbaiorov la.—1 Mbakorinte 16:9.

◻ Yange Bahram, or u ngise tesen démbé u keren u i yer ér Kung Fu la, va ken kpentar u he’ Atô u Ityoughkitaregh. A ngohol Bibilo kua ityakerada igenegh i Watch Tower a nger yô. Ken atô u uwer môm tseegh maa Bahram kav e̱r un zough a mimi yô. Tsô i hii kwagh henen a na kua kwase na, kpa mzeyol za va keregh—tica ve u tesen ve Bibilo la gema lamen zwa ve ga jimin cii. Ve umbur nahan ér, yange ve lamen a ayolave sha iliam i sha akáv a eren, lu̱ “sha ave man shin angahar” ve lamen ye. Ica i gbe ga yô, Bahram kua kwase na ve mase za zuan a tiônnongo u i lamen zwa ve heregh yô, hii he’ shighe la je maa ve za hemen ke’ mimi lévá lévá. Hegen Bahram ka Orshiada i e̱r un batisema kpaa.

◻ Or u mar u Indonesia yange tile he’ won u kenti, tsô anmgbian u gen vea kwase na mba ve lu mar u Dutch shi ve lu pania yô ve kporom ikyua a na. Kpiligh un iyol kpa gema saan un iyol e̱r anmgbianev mban ve lam a na ken zwa na yô. Tsô maa i sôr ian i ver sha u za sôron un ken ya na. I mase za kaven e̱r or la yange tsa ken tar u Russia je hemba anyom 20 yô, lu ken shighe ne kpa a hingir ortwer u sôron iangev mbi ukase ye. A sèngè ér un ngu ornyimanaôndo, kpa shi a lumun ér hanma kwa u yange una kôr kwase mmar cii, i kpiligh un iyol un kaa ke’ ishima na ér: “Iyol i or ngi vough tsôô! Kwagh ne ka ivande i kpiligh iyolo!” A lumun u henen Bibilo, nahan ica kera gba ga je tsô maa a hingir u nan jighjigh ér mimi je Orgbanakaa ngu u kwagh a gbe un sha uumace yô. (1 Peteru 5:6, 7) Hegen ka anmgbian í e̱r un batisema, ngu vea tiônnongo u Indonesia ken gar u Amsterdam.

◻ Ken Rotterdam u a lu môm ke’ mbaagirigi mba hemban cii sha tar mba agirgi a mnger a til heregh la, upania mbagenev tsa tom ke’ mpase u pasen loho u dedoo ne ken ijô i i hongu he’ ihyongo ne wue wue hanma sev yô. Sha ci u tomshiren u anmgbianev mba pasen kwagh sagher sagher ne yô, mba eren tom u agirgi a mnger kpishi kpishi anza er ormbaanini-utar, man dugwer u shin girgi, man or u yange kuran ior kpaa cii, ve ngohol mimi. Hegen ne yô, ve kpaa mba wasen u samber a loho u dedoo u Tartor u Aôndo ne sha tar.—Mateu 24:14.

Er i lu ken ikpentar igenegh nahan, kape Mbashiada mba Yehova mba ke’ tar u Netherlands kpa ve lu a shima i tseen i eren tom ve sha u yôôn Icôronloho i dedoo hen hanma ikyurior, man hanma nongo man hanma zwa man hanma nongoior je la.—Mpase14:6.