Yange Kpe sha Ikyaa i Tindi

“SE MBA umbur August Dickmann (i mar un ke’ inyom i 1910), u̱ lu Orshiada u Yehova la.” Kape i hii ngérén u̱ a lu sha kpándé (u i tese heen ne) je la. Yange i sember tôndon kwamegh ku bughun ú he’ ijiir i ngise lù afo a mbakwarev a ke’ gar u Sachsenhausen la. Hii nan ve Orshiada u Yehova nan kom u a nger kpándé ne sha ci u nana? Kwaghngeren u sha kpándé shon ne mase ôron kwagh u yange er la nahan ér: “Adugwer a yange i yilan á ér SS la yange ta [un] gbuuka wua sha uwer u Setemba 15, 1939 sha ci u a venda u peren atindi a kwaghaôndo na yum.”

Yange i wuhe August Dickmann ke’ afo a mbakwarev a ke’ gar u Sachsenhausen ke’ inyom i 1937 la. Zum u Ityav mbi Tar cii Mbi sha II mbira hii ke’ inyom i 1939 tsa kuma ayange atar yô, i kighir un ér a̱ wa uwegh shín takerada u tesen ér un nyôr shoja. Vende yô, kurutya u hemen afo la za idyu vea Heinrich Himmler u̱ lu or u hemen adugwer a SS (Schutzstaffel, icôr shoja i̱ yange i kuran Hitler la), á sôn ér i̱ na un ian una wua Dickmann sha ishigh ki mbakwarev mbagenev mba ve lu ke’ afo la cii. Ka kom sha uwer u Setemba 17, 1939 yô, pipaabaver i i yer ér The New York Times la gber abaver a ke’ tar u Jamani due a mi nahan ér: “Í ta August Dickmann u lu anyom 29 la . . . gbuuka heen i wua.” Pipaabaver la kaa ér ka un yange lu marnya u tar u Jamani u̱ yange hii vendan u peren atindi a kwaghaôndo na nyôron ityav ye.

Anyom nga karen 60, ka va kom sha uwer u Setemba 18, 1999 yô, mzough u umbur mbakpenev u i yer ér Brandenburg Memorial Foundation la maa umbur ku u Dickmann, nahan hegen kpándé u umbur un ú i nger kwagh sha mi la ngu umbur ior mba ve ve her la ishimataver man jighjigh u nan na u yange lu taveraa la. Kpándé u sha uhar u í mande ke’ won u kpekpe u girgar u afo a tse la di ngu umbur mba ve ve her la ér Dickmann yange lu di môm ke’ Mbashiada mba Yehova 900 mba yange ve ya ican ke’ afo a ke’ Sachsenhausen sha ci u jighjigh ve u nan la tsô. Yange mbagenev kpishi ya ican ke’ afo agenegh. Een, shin er mlu u ke’ afo a mbakwarev la yange cier iyol kpishi nahan kpa, ior kpishi kôr ave sha atindiakaa a Aôndo her gbang.

He’ Mbashiada mba Yehova yô, u̱ or “ungwan imo i tahav (gomoti) mbu nan lu mbu sha ikev la” ka kwagh u i gbe u hanma Orkristu naná er yô. (Mbaromanu 13:1) Nahan cii kpa, zum u ugomoti ka vea nôngon ér vea kighir ve ve̱ per atindi a Aôndo yô, ve dondo ikyav i mbaapostoli mba Kristu, mba yange ve kaa ér: “Ka u sé hemba ungwan imo i Aôndo keng a imo i ior” la. (Aerenakaa 5:29) Sha nahan yô, Mbashiada mba Yehova mba ve lu shin tar u ihyom i lu he’ atô u akuraior shi kwagh u mbavia a mbavia a ne ior ve er akaa a tan ihindi iyol ne cii ka ve keren í lu bem, di er August Dickmann nahan. Mbá dondon kwaghwan u Bibilo i we ér: “Kwaghbo a̱ de hembe u ga, kpa we gema hemba kwaghbo sha u kwagh u dedoo” la.—Mbaromanu 12:21.