Anza a Wang Nga Been

“IMBAKWAGH ngira nahan yange i̱ eren ga,” kape Helmut Schmidt u ngise lu orhemen u tar u Jamani la, yange kaa la. Yange lu toor iyol sha kwagh u bo anyighe u mbatomov mba gomoti u yange pipambaabaver tôô hingir ve abaver a vesen la. A kaa ér: “Hua kar himbir anza a dedoo cica cii.”

Ior kpishi vea lumun a na. Anza a wang a a we amishe ke’ Bibilo, Mkaanem ma Aôndo, á hii ngise je tsô í ior ve ngohol á wuee er a̱ tesen ve kwagh u a lu u vough man u̱ á lu u kpeegh la kera gba ve kwagh ga. Ke’ ityar i i yer ér ka i Mbakristu la je kpa kwagh ne ngu nahan.

Anza a Bibilo i Tesen la Ka a Ikyoogh Kpa?

Anza a a har sha ityesen i Bibilo yô, kua inja i mimi man perapera ker. Nahan cii kpa, u yan or kwagh sha icugh man anyighe man wayo la samber wuee. Takerada u i yer ér The Times u ke’ London la kaa ér, i ôr kwagh u udasenda mbagenev ér ka ve “ngohol inyaregh kwa môm tseegh ki kuma £100,000 ve fiir shin ikpa, nahan ve hide ior a icimbiv mbi bov mbi i ker ve a mi la shin ve nzughur a avindir a ijir i i yer utswambaiorov mba taver inja yô.” Ke’ tar u Austria yô, i kaa ér iv mbu sha atseregh mbu mba ishwalansi la de ishar. Shi yange kwagh hula nongo u mbatôvon kwaghfan u sangen yeke mba ke’ tar u Jamani iyol gbong zum u ior mbatôvon kwagh mbagenev sember za kaven “wayo môm u mba mbatôvon kwaghfan u sangen yeke mba ke’ tar u Jamani yange er yô.” Yange i mase za kaven ér ortumbunmfetakerada ugen, “ikpur Orjaman u fan gbaa kwaghhenen u̱ m-bee u or been ior mba nanev la,” na avindigh a tesen akaa kpishi a yange lu a mimi ga yô.

Inja i vough i i har sha Bibilo yô, shi kua mnzughul u nzughul angahar ke’ ivese ga la kpa ker, ka ivese i yange gba u ia luun kwagh u igbekeke je la. Kpa ior kpishi mba ve er ivaa ka

 ve mase za kuusu í ke’ atejir u paven ivaa. Pipaabaver i Mbakatoliko i i yer ér Christ in der Gegenwart (Mbakristu mba he’ Kov Môm) la na ibaver ér “tar u Switzerland u u ‘kor aeren a ve a ityôô’ tsung la je kpa avese nga paven ker seer a seer.” Ke’ tar u Netherlands yô, avese 33 ke’ atô u deri ka a mase za kuusu ke’ ivese paven. Kwase ugen u yange nenge e̱r akaa a sember geman ke’ tar u Jamani ke’ anyom a a sember karen kpuaa ne nger ishimanyian na nahan ér: “Hegen ior tôô ivese inja er ka tse kwagh u a kera lu sha kwarkyaa ga nahan. Or kera vese kwase shin kwase kera vese nom ka lu u lun a nan sha ayange a uma u nan cii ga.”

Kpa sha vegher ugenegh yô, ior umiliôn kpishi tôô anza a i tese ke’ Bibilo la ér a kuma u suur sha á shi nga hange hange sha ci u uma u shin tar wase u ainge ne. Nomsoor ugen vea kwase na, ve mba ve tem he’ joughtar i Switzerland man Jamani la mase kaven ér u henen u eren kwagh sha anza a Bibilo i tese la na ve u hemban lun saan saan cii. Sha mnenge ve yô, “gbenda u tesen or u eren akaa sha avegher a uma jimin cii ngu di môm tseegh tsô. Gbenda shon yô ka Bibilo.”

We ú nenge nena? Bibilo ia fatyô u lun kwagh u dedoo u tesen gbenda kpa? Anza a a har sha Bibilo la ka a ikyoogh ainge kpa?