Ú Umbur Kpa?

Iyoukura mba hegh mban doo u u ôron kpa? Aluer ve doo u yô, kar mhen wou aluer u fatyô u nan mlumun sha mbampin mban yô:

• Ka mbamzeyol mba nyi Mbakristu mbagenev ve tagher a mi ken ivesee, man doo u vea nôngo u eren nyi?

Mbakristu mbagenev vea nenge ér ka akaa kpuaa tseegh a zuan ve vea ikyar ve u ken ivese la ye. Kpa er ve fa ér ivaa paven i sha tindi ga la ka kwagh u Ruamabera a lumun a mi ga yô, gba u vea nôngon tsung sha er ivaa ve ia doo yô.—4/15, peeji 17.

• Orkristu u nan lu hen ijiir i nengen sha mbabeenyol la ka nan tagher a mbamzeyol mba nyi?

Alaghga nana lu a fa ior mba ken tiônnongo u ijiir la i lu hen haregh na la ga. Adooga jighjigh u nan u ior mbagenev mba ve lu hen ijiir i nengen sha mbabeenyol la ngu kwagh môm a u anmgbian ne ga nahan vea nôngo u kighir un ér a er akaa a ve ne jighjigh a mi la. Anmgbianev mba anmgbian u beenyol ne kua anmgbianev mba ken tiônnongo ve fa zayol mban nahan ve wase anmgbian ne.—4/15, peeji 25-27.

• Ka akaa anyiin a nyi aa wase mba ve vese ayol a ve la u sôron zayolo?

Ver shighe u lamen sha zayol shon. (Orpa. 3:1, 7) Ôr zayol wou la sha mimi man sha icivir kpaa. (Ef. 4:25) Kegh ato a ikyar u shi tese icivir sha mbamhen nav kpaa. (Mat. 7:12) Tsua nen kwagh u ne er yô shi er nen sha mi imôngo kpaa. (Orpa. 4:9, 10)—5/1, peeji 24-26.

• Lu anzô a nyi Yesu lu ôron shighe u wa se kwagh ér se sôn i de se anzô ase laa?

Mateu 6:12 man Luka 11:4 tese wang ér Yesu lu ôron kwagh u anzô a inyar ga. Kpa lu ôron kwagh asorabo ase. Gba u se kav Aôndo sha u den mbagenev kwaghbo ve.—5/15, peeji 9.

• Ka ken ukômatii kposo kposo mba nyi mbahemenev mba shin itine ve lu kere?

Kômatii u Hemen Ukômatii cii; Kômatii u Nengen sha Tsombor u Bethel; Kômatii u Gberen Ityakerada; Kômatii u Nengen sha Tomshiren; Kômatii u Tesen; Kômatii u Nengen sha Kwaghngeren.—5/15, peeji 29.

• Lu Mbayuda lu eren aeren a i ter ken Mbaromanu 1:24-32 la shin lu Atôatyeve?

Er kwaghôron ne bende a Mbayuda man Atôatyev nahan kpa, lu Mbaiserael mba vendan mimi mba sha ashighe a tsuaa mbara jighilii Paulu lu ôron kwagh ve ye. Shin er ve fa atindi a Aôndo a perapera la nahan kpa kera doo ve u lumun a ga.—6/15, peeji 29.

• Aluer se mba eren akaa a a gande se ga yô a saan se iyol sha ci u nyi?

Aluer se mba sendegh ser se er akaa a á gande tahav asev ken inya yô, se lu nan iyol yase ican. Nahan kpa, doo u se eren hwev ken tom wase u pasen kwagh la sha ci u tahav asev kuma ga ze.—7/15, peeji 29.