Anyekwase U Nan Nagh

SEMBEREE ne, anyekwase ugen ken tar u Brazil u lun anyom ataankaranyiin, kar a ishima na pav inyaregh ki koso yô ker avegher ahar, vegher u môm lu Naira 2,662, vegher ugen di lu Naira 3,698. A gema Naira 2,662 mbara a kende shin akwati u eren iyua ken Iyou i Tartor sha u una wase tiônnongo na a̱ kure ugbayol mbagenev hen ningir yô. Maa a nger washika tiônôô a wa Naira 3,698 mbara keregh a tindi a mi shin afishi a branci a Mbashiada mba Yehova. A kaa ken washika na la ér: “M soo u eren iyua ne sha ci u tom u i lu eren sha tar cii la. Sarem u wasen anmgbianev mba nomso man mba kasev kpishi sha tar cii sha u ve pase loho u dedoo. M tindi a iyua ne sha ci u Yehova doom ishima shi m soo kwagh na kpishi.”

Mbamaren mba anyekwase ne tese un mluainja u nyôron iyol ken tom u pasen kwagh u Tartor ne. Shi ve wase un u fan er i gbe u una “civir TER sha inyaregh [nagh]” yô. (Anz. 3:⁠9) Yô, se cii se nyôr nen iyol u eren akaa aa a va a mzehemen u Tartor hen ningir man sha tar cii la sha gbashima, er anyekwase ne nahan!