Ú Umbur Kpa?

Ú ôr Iyoukura mba i sember duen a mi la vighe vighe kpa? Yô, nenge ase wea fatyô u nan mlumun sha mbampin mban yô:

Se pir usu u kwaghôron u gaegh la nena?

Doo u se tôv ishima yase. Gba u se puun anmgbianev asev ga, kpa hemba doon u se vande tôvon sha ieren yase, se fa er i hii ve se soo u puun nan la. Adooga tsô se mba puun nan sha ci u se soo ser mbagenev ve nenge ér se hemba gban kwagh a nan shinii? Kwagh ugen yô, aluer se mba puun mbagenev yô, kwagh ne una na kwagh a hemba vihin gban kera cii.—8/15, peeji 21.

Tindi yange tese ér Aôndo nengen kasev nena?

Kasev mba ken Iserael yange ve lu a ian i eren kwagh u ve soo yô shi ve lu a ian i ngohol ityesen kpaa. Yange i naan ve icivir shi Aôndo kuran ian i ve lu a mi la kpaa.—10/1, peeji 5, 6.

Er iyange i Yehova i lu mgbôghom ne, ka akaa a vesen a nyi a ere?

A va yôô “Bem, man mkpeyol.” Akuraior aa ta num sha “Zegebabilon,” aa tim un. A ta num sha ior mba Aôndo. A nôngo ityav mbi Armagedon, maa a kende Satan man azôv a na shin ihyungwa i i ze kweng la.—9/15, peeji 4.

Er se fe shighe man ihwa i mkur una va jighilii ga yô, kwagh ne wase se nena?

Er se fe shighe man ihwa i mkur una va jighilii ga yô, kwagh ne wasen se u tesen er ishima i lu se ker la. Kwagh ne na se ian i eren kwagh u una na a saan Aôndo iyol yô. Shi kwagh ne taver se ishima u nan ayol a ase sha u eren Yehova tom a ishima i môm shi wasen mbagenev kpaa, shi a wase se u hemban suur sha Aôndo man Mkaanem nam. Heela tseegh ga, wasen se u den ser atsan a se lu yan la a sôr se.—9/15, peeji 24-25.

“Asan ataankarahar” a a lu ken uwegh ku yanegh ku Yesu, a i er kwagh u a ken Mpase 1:16, 20 la tile sha ityough ki unô?

A tile sha ityough ki mbatamen mba i shigh ve mkuren la, shi a wa mbatamen mba ken atôônanongo cii ker.—10/15, peeji 14.

Yesu yange hide a iyol na ijime, er i er ken Yesaia 50:4, 5 la nena?

Avur la kaa ér, un u a lu a “nombor u ior mba henen kwagh” la una “hide ijime kpaa ga.” Yesu yange hide a iyol na ijime shi kegh ato a kwagh u Ter na tese una la zulee. Yange kegh iyol shi maa un iyol u henen kwagh hen Yehova, lu nenge er Aôndo hide a iyol ijime, lu eren kwagh a uumace mbaasorabo ne sha mhôôn yô.—11/15, peeji 11.