ORGBAN se na uumace icivir sha u nan ve ian i tsuan kwagh u ve soo la ayol a ve. Heela tseegh ga, a ver mba ve suen mcivir u mimi a iyol i tangen shio, shi ve lu nôngon kwagh kpoghuloo sha u tseghan icighanti na shi ve lu suen awashima na la doo doo. Yehova soo ér se ungwa i mo na sha ci u i ta se mciem iyol shin i kighir se a kighir yum ga. Kpa mcivir u se civir un a ishima yase, sha ci u a doo se ishima shi se mba a iwuese kpishi la gba un kwagh tsung.

Ikyav i tesen yô, shighe u Mbaiserael lu ken taaikyôngo u Senai la, Yehova kaa a ve ér ve maa ijiir i civir un ker. A kaa ér: “Tsuwa nen nagh ken akaa a en, sha u nan TER; hanma or u i doo nan u nan yô, nana̱ va a mi, ka nagh ku á na TER” yô. (Eks. 35:5) Hanma Oriserael yange nan na kwagh u nan lu a mi cii a ishima i nan, una ngee shin una ngee ga shin una lu nan nan je kpaa, sha er a er tom a mi sha u kuren awashima u Aôndo la vough er i doo la yô. Nahan ve er nena?

Bibilo kaa ér: “Hanma or u ishima i tor nan ityô” man ‘hanma or u jijingi u nan mgbegha nan yô’ nan na nagh a ishima i nan, ‘hanmô ve mba asema doo ve’ yô. Nomso man kasev cii na kwagh u ve lu a mi la sha u suen tom u Yehova sha asema a ve. Yange ve na akaa a hweegh a sha vanger man inyarev mbi wan ken ato man ikunya man zenaria man azurfa man togula man ikyondo i kwel man i nyian dindee man i nyian bong, man ikyondo i pupuu i kôngor man aive a ivo man akôv a ayu man kon u saa man awen a injaa man ilyônghonov kua mkurem. Ica i gbe ga yô, “ikyav mbi ve lu a mi yô, kuma u eren tom la a mi cii, gande a gande je” kpaa.—Eks. 35:21-24, 27-29; 36:7.

Kwagh u yange na Yehova msaanyol yô lu uyôughyôughmbaakaav mba i na sha u suen mcivir u mimi la ga, kpa lu ieren i tangenyolga i mba ve na akaa shon lu a mi la. Shi ishima yange i mgbegha ve u nan shighe man agee a ve. Bibilo kaa ér: “Kasev mba fan eev cii kpaa ve ta mou sha ave ve.” Jighilii yô, ‘kasev mba fan eev cii mba asema mgbegha ve yô, ve ta aive a ivo.’ Heela tseegh ga, Yehova na Baselel “kwaghfan man mkav man [mfe] sha u eren hanma injatom cii.” Jighilii yô, Aôndo iv Baselel man Oholiabi a mfe u eren tom u gba u vea er la cii.—Eks. 35:25, 26, 30-35.

Shighe u Yehova kaa a Mbaiserael ér ve er iyua la, yange lu a vangertiôr ér “hanma or u i doo nan u nan” yô nana sue mcivir u mimi. Nahan Yehova ver mba ve lu a ieren i nan un kwagh la mgbeghaa, sha u tesen ve kwagh u vea er yô, shi nan ve iember a ikighir shio. Yehova maa tese ér ka una ver mbacivir un sha ci u mba a jijingi u tangenyol ga la yô, un nenge ér mfe shin kwagh u kuren awashima na la môm yina ga. (Ps. 34:9) Er u lu civir Yehova a iyol i tangen shio yô, una ver jijingi u tangenyol ga u u lu a mi la kpee a bunde ga.