Kporom hen Aôndo

U Soon Ijirôron i Mimi

Mbaheberu 10:26-31

ER I lu nahan or hii u iyongo sha apera shin or nzughul a we nan yem iyol ishô aa u zamber we shio vee? Or ka nana nzughul a vese nahan i vihi se je i gande, hemban je yô ka a lu or u se hen ser naná er kwagh a vese sha dooshima shi naná wa se ikyo yô. Alaghga u pine wer, ‘Er nan ve Aôndo ngu a na ian ér kwagh a er nahana?’ * Sha mimi yô, Yehova Aôndo kôr hanma gbenda u nzughul a mbagenev cii ihyom. Bibilo kaa a vese ér Aôndo una tsaha mba eren asorabo sha apera kpee je. De se time nen sha mkaanem ma apostoli Paulu a nger ken Mbaheberu 10:26-31 la.

Paulu nger wener: “Aluer se mba eren asorabo sha apera zum u se ngohol mfe u mimi la kera yô, ma nagh sha ci u asorabo kera ku ga.” (Ivur 26) Ior mba eren asorabo sha apera hemba mban a ibo cii. Sha ci u nyi? Hiihii yô, ka hemba ve a hemba iyol ve ve er isholibo i se cii ka se tsume ashighe agen se er sha ci u se yina la ga. Isholibo hingir kwagh u doon ve. Sha uhar yô, mba eren asorabo sha apera. Mgem u Bibilo i í yer ér The Bible in Basic English la una kera kaa ga yô, “doo ve u eren isholibo.” Isholibo ya tor sha a va. Kwagh u sha utar yô, asorabo a ve lu eren la ka sha mlan ga. Mba a “mfe u mimi” sha kwagh u a lu ishima i Aôndo yô, shi ve fa igbenda na kpaa.

Aôndo nengen mba eren asorabo sha apera, mba ve soo u geman asema ga la nena? Paulu kaa ér “ma nagh sha ci u asorabo kera ku ga.” Nagh ku Kristu—iyua i Aôndo a ne uumace la, ku cirin asorabo a se eren sha ci u se yina la. (1 Yohane 2:1, 2) Kpa ieren i mba ve eren asorabo sha apera aa u geman ishima shio la tese ér iyua i injaa i Aôndo ne gba ve kwagh ga. Aôndo tôô ér ve ‘ndyar Wan Na shin angahar shi ve nenge ér awambe a’ Yesu la “ka kwagh u hôngorough.” (Ivur 29) Ieren ve la tese ér ve nenge ér Yesu ngu kwagh ga shi awambe na “gba kwagh ga” inja er ka awambe a uumace mba ve yen ne nahan. (Mgem u Bibilo i í yer ér Today’s English Version) Nagh ku Kristu kura ku a wase mba banen a iwuese mban cuku tsô kpaa ga.

Kanyi ia er mbaafereve? Aôndo u a er ijir sha mimi la kaa ér: “Ka Mo je iyev i oron i lu i Yam ye, ka Mo Me na injar ye.” (Ivur 30) Nahan mba ve eren asorabo sha apera, ve nengen ér mbagenev mba a ice sha ityou ga la cii ve er teghelee. Mbaperen atindi a Aôndo sha apera cii Aôndo una tsaha ve kpee, a bunde ga. Ashighe kpishi, igbenda ve i bo la ngi i hide i kuusu a ve. (Mbagalatia 6:7) Aluer kwagh tser ve hegen ga kpa, ica a gba ga tsô kwagh a tser ve zum u Aôndo una va kar a ifer jimin cii shin tar ne kera la. (Anzaakaa 2:21, 22) Paulu ta se icin ér: “U gban sha ikyev i Aôndo u uma yô, ka kwagh u cier iyol je.”—Ivur 31.

Er se fe ser Yehova Aôndo lumun a isholibo i eren sha apera ga yô, doo se kpishi shi asema taver se kpaa, hemban je yô se mba aferaior a nzughul a vese kpishi man ishima tsô i te ve kwe ga la. Nahan yô, se de nen Aôndo a or iyev sha ci wase, gadia a kôr hanma inja ifer cii ihyom.

[Ngeren u shin kpe]