Sema Kwaghôron u Ken Igbar

Bem man Mkpeyol u Mimi Una Va Hanma Shighee?

Uumace ndera keren bem man mkpeyol udubumbaanyomov imôngo hegen. Kpa ve kan shio u zuan a bem u mimi. Sha ci u nyi? Bibilo ôr se atôakyaa ahar a a ne ve ican i er uumace u zuan a bem u mimi yum yô. Shi Bibilo ngi a mkaanem ma kundunyol man kpaa: Aôndo tôndo zwa u van a bem man mkpeyol u mimi sha ci u uumace sha tar cii.

Bem man mkpeyol ne una va nena, man a lu hanma shighee? Gba u ú er nyi sha er u ember averen a injaa nee? Kwaghôron u ken igbar u a lu a itinekwagh ér, “Bem man Mkpeyol u Mimi Una Va Hanma Shighee?” la una na mlumun sha mbampin mban. A lu nan kwaghôron u a har sha Bibilo ne tar sha won cii, ken ityar i hemban 230. Sha ajiir kpishi, a na kwaghôron ne ken Iyou i Tartor i Mbashiada mba Yehova i hen ningir la sha iyange i Lahadi, Aipor 18, 2010. A doo Mbashiada mba Yehova mba hen haregh wou la u ôron we shighe man ijiir i a lu nan kwaghôron ne la. Se mba lôhôn we ser, va kohol a vese imôngo.