Mbampin mba Bibilo i ne Mlumun sha Mi La
Se fatyô u kaven Bibilo kpa?
Bibilo ka Mkaanem ma Aôndo. Ngi er washika u ter u soon ônov mba nan, nan nger ve nahan. (2 Timoteu 3:16) Aôndo pase se kwagh u se er ve a doo un a vese la ken Bibilo, shi a pase se er i hii ve un de ican i lu eren ior yô, kua kwagh u una va ér sha ci u uumace ken hemen la kpaa. Kpa mbatesen kwaghaôndo nzughul a ityesen i Bibilo; nahan ior kpishi hen ér a tsa kpa vea kav Bibilo ga.—Aerenakaa 20:29, 30.
Yehova Aôndo soo ér se fa mimi sha kwagh na. Sha nahan yô, a na se takerada u se fatyô u kaven u yô.—Ôr 1 Timoteu 2:3, 4.
U er nan ve u kav Bibilo?
Yehova na se Bibilo tseegh ga, a na se iwasen i kaven i̱ kpaa. Yange tindi Yesu ér a va tese se Bibilo. (Luka 4:16-21) Yesu yange wase mba ve keghen ato a na la u kaven Ruamabera, sha u pasen ve avur kposo kposo.—Ôr Luka 24:27, 32, 45.
Yesu yange ver nongo u Kristu, sha er ua za hemen a tom u a hii la yô. (Mateu 28:19, 20) Nyian ne kpa, mbadondon Yesu mba mimi mba wasen ior u kaven kwagh u Bibilo i tese sha kwagh u Aôndo la. Aluer u soo u kaven Bibilo yô, a doo Mbashiada mba Yehova kpishi u wasen we.—Ôr Aerenakaa 8:30, 31.
Kwagh Ugen u Alaghga Shi Una Doo U Yô
IYOUKURA
Ape U Zua a Iwasen Ve U Ôr Bibilo U Kav Yô
Aluer i nger Bibilo sha gbenda u or a ôr nana kav yô, er nan ve i gbe u or nana wase u u ôron Bibilo kavene?
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
KYAMPEN I VESEN
Doo u Ú Hen Bibilo sha ci u Nyi?
Bibilo ngi tan ior umiliôn umiliôn sha tar cii iwanger sha akaa a hange hange a a tsum ve la. We kpa u soo u zuan a iwanger shonoo?
