Ku ngu er mnyam nahan, sha ci u mbakpenev kera fa ma kwagh ga, shi vea fatyô u eren kwagh môm ga. Nahan kpa, or u a gbe uma la una fatyô u nderen mbakpenev shin ku, vea hide a lu uma. Aôndo yange tese kwagh ne sha tahav mbu na Yesu ér a nder ior shin ku la.—Ôr Orpasenkwagh 9:5; Yohane 11:11, 43, 44.

Aôndo tôndo zwa ér una va nder mbakpenev mba un umbur ve la cii ken tar u he u perapera la. Gba u mba a va nder ve mbara vea za hemen u lun shin ku zan zan Aôndo shi una va na ve uma. Sar Aôndo uhembanagee la kpishi u va nderen mbakpenev shin ku.—Ôr Yobu 14:14, 15.

Zum u Aôndo una va nder ior shin ku yô, vea fa or u ve lu yô; shi vea fa azende a ve kua tsombor ve kpaa. Shin er iyol i or ka i hôô shighe u nan kpe la nahan kpa, Aôndo una fatyô u nderen or shon a iyol i he.—Ôr 1 Mbakorinte 15:35, 38.

Ka asande a ior kpuaa tseegh a nder ve vea yem a za lu uma sha ye. (Mpase 20:6) Ior kpishi mba a nder ve shin ku la vea lu umasha tar, shighe u ua hide a hingir paradiso la. Ior mban vea hide a hii uma u he, a ishimaverenkeghen i lun uma gbem sha won.—Ôr Pasalmi 37:29; Aerenakaa 24:15.