Mbampin mba Bibilo I̱ Ne Mlumun sha Mi La
Yesu ngu hiden van ér una va er nyi?
Cii man Yesu Kristu kôndo yem sha ken inyom i 33 la yô, a tôndo zwa ér un ngu hiden van. Yange tôô iyol na kar sha orcivirigh ugen u yem ken tar u icaa sha u una za ya tor man una hide la. Yesu ngu hiden van ér una va hemen uumace sha gbenda u dedoo.—Ôr Luka 19:11, 12.
Yesu una va hemen uumace sha gbenda u dedoo
Kristu una hide ken iyol i nyi? Yange i nder un shin ku ken iyol i jijingi, i i nengen a mi ga la. (1 Peteru 3:18) Maa a kôndo a yem sha a za tema ken uwegh ku yanegh ku Aôndo. (Pasalmi 110:1) Shighe kar kpishi yô, i va a Yesu sha ishigh ki Yehova Aôndo, “Or u tsan sha won,” u na Yesu tahav mbu hemen uumace la. Sha nahan yô, Yesu una hide ken iyol i orumace ga, kpa una lu Tor u a nenge a na ga yô.—Ôr Daniel 7:13, 14.
Ka nyi Yesu una er zum u una hide laa?
Yesu una hiden ken iyol i a nengen a na ga la vea mbatyomov nav yô, una ôr uumace ijir. Una tim mbaaferev kera, kpa una gema a na mba vea lumun ér a lu Tor ve la uma u tsôron.—Ôr Mateu 25:31-33, 46.
Yesu una teman Tor sha tar yô, una gema tar ua hingir paradiso. Una nder mbakpenev shin ku sha er vea lu uma ken Paradiso shin tar yô.—Ôr Luka 23:42, 43.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Ka Nyi I Lu Mve u Kristu?
Una hide sha gbenda u ior a nenge a na sha ashe noon yôô?
MBAMPIN MBA BIBILO I NE MLUMUN SHA MI LA
Ka Nyi i Lu Tartor u Aôndo?
Time ase nenge er Tartor u Aôndo u kaha kposo a hanma gomoti ugen cii yô
