Mbampin mba Bibilo I̱ Ne Mlumun sha Mi La
Mimi Je Bibilo Ka Mkaanem ma Aôndo?
Adooga u hen wer Mkaanem ma Aôndo kaha a ityakerada igen, man kape Bibilo i lu je la.—Ôr 1 Mbatesalonika 2:13; 2 Timoteu 3:16.
Se na jighjigh ser Bibilo due hen Aôndo, sha ci u i̱ tsengapasen kwagh u una va er ken hemen yô. Or môm kpa nana fatyô u tsengapasen kwagh u una va er ken hemen sha tseeneke u nan ga. U tesen ikyav yô, time ase sha takerada u Yesaia. Yange i zua a kôpi u takerada ne, u i nger anyom uderi imôngo cii ve i mar Yesu shin tar la ken bar ugen, ikyua a Zegemnger u Kuugh la. Kôpi u takerada ne kaa ér a tim gar u Babilon gburu gburu, or a kera tema her ga. Yesu yange va shin tar ne hide yem, anyom kar imôngo cii ve kwaghôron u profeti ne hii kuren ye.—Ôr Yesaia 13:19, 20; 2 Peteru 1:20, 21.
Ihyurenruamabera i Yesaia
I nger Bibilo nena?
Yange i nger Bibilo ken atô u anyom 1,600. Iorov mba kuman er 40 nahan, mba ve nger Bibilo la gba zwa môm sha itinekwagh i Bibilo. Ve er kwagh ne nena? Aôndo yange tese ve kwagh u vea nger yô.—Ôr 2 Samuel 23:2.
Ashighe agen Aôndo yange a lam a ior mba ve nger Bibilo la sha ikyev i mbatyomov shin ken mpase u sha mnenge gayô ken mnya. Ashighe kpishi Aôndo a ôr or u ngeren Bibilo kwagh, kpa a gema a de ér nana nger kwagh shon sha asember a nan soo la.—Ôr Mpase 1:1; 21:3-5.
Shrine of the Book, Photo © The Israel Museum, Jerusalem
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Ka Kwaghfan u Orumace I Nger ken Bibilo Yee?
Nenge shiada u Bibilo i er iyol i i̱ ne.
ATESEN A BIBILO A HANGE HANGE
Ka An Nan lu Orngeren Bibilo?
Aluer ka uumace yange ve nger Bibilo yô, doo u kaan ér ka Mkaanem ma Aôndo? Ka mbamhen mba an i nger ken Bibilo?
