Hen aikighe u kpernan u i wua Yesu la, a kaa a mbadondon un mba mimi mbara ér ve umbur ku na. Yesu yange na mbahenen nav bredi u i wa kwa sha mi ga yô, kua wain u nyian, u ve lu a mi la, Yesu maa kaa a ve ér: “Eren nen kwagh ne sha u umbur Mo.”—Luka 22:19.

Hanma inyom yô, Mbashiada mba Yehova mba sha tar cii ka ve kohol sha u umbur ku u Yesu sha werayange u u zough sha iyange i í wua un la. Ken inyom i 2014 ne, werayange u umbur ku u Yesu la gba sha iyange i Hiitom, Aipor 14, shighe u iyange ia mile yô.

Doo se u lôhôn we ser va kohol a vese imôngo, se seer timen fan er ku u Yesu u lu a inja la. A gba u ú kimbi inyaregh cii u nyôr hen ijiir i a er mkombo ne la ga. Shi a ningir a gbande ér or a er iyua ga. Or u nan ne u magazin ne nana pase u shighe man ijiir i a lu eren mkombo ne hen ningir wou la, gayô za hen ijiir yase i sha Intanet i jw.org la. Ver ishima sha iyange i a er mkombo ne la, a de karen we ga.