Mbampin mba Bibilo I Ne Mlumun sha Mi La
Ka an jim nan lu tor u tar nee?
Luun er ka Aôndo a lu tor u tar ne nahan, kape tar ma u iv a ican i yan nee?
Ior kpishi na jighjigh ér ka Aôndo u mimi la a lu tor u tar ne ye. Kpa aluer ka nahan mimi yô, kape tar ne ma u iv a ican i yan nee? (Duteronomi 32:4, 5) Bibilo kaa ér tar ne ngu sha ikyev i iferor ugen.—Ôr 1 Yohane 5:19.
Iferor la yange er nan ve uumace hingir u lun sha ikyev na? Shighe u i gba uumace ica lu a gba ga la, ortyom ugen hemba Aôndo ato, shi mee nomsoor u hiihii la vea kwase na, ve kpa ve hemba Aôndo ato. (Genese 3:1-6) Or u hiihii la vea kwase na dondo Satan, ortyom u hembanato la, nahan a hingir tor ve. Ka Aôndo u Hembanagee la tseegh a lu Tor u vough ye, nahan kpa a soo ér ior ve tsua hemen na sha ci u un doo ve ishima. (Duteronomi 6:6; 30:16, 19) Kpa kwagh er vihi yô, uumace kpishi tsua u dondon Satan, di er or man kwase u hiihii la kpa yange ve er nahan.—Ôr Mpase 12:9.
Ka an nana va bee a mbamzeyol mba uumace?
Aôndo una de ér tar ne u za hemen u lun sha ikyev i Satan u a lu iferor laa? Ei! Aôndo una va bee a aferakaa a Satan a ve a mi la sha ikyev i Yesu.—Ôr 1 Yohane 3:8.
Aôndo una na Yesu tahav mbu timin Satan. (Mbaromanu 16:20) Aôndo maa una hemen uumace shi una hide a ve ken mlu u saan saan man bem u yange gba ve ér ve lu ker la.—Ôr Mpase 21:3-5.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Doo u Se Na Aôndo Ibo sha Ican i Se Lu Yan Laa?
Hanma or nana fatyô u yan ican—kua mba Aôndo a lumun a ve la kpaa. Sha ci u nyi?
IYOUKURA
Er Nan Ve Bem A Ban Sha Tar Yum Nahana?
Er uumace ve nôngo sha afatyô ve cii ér vea va a bem sha tar nahan kpa, ve kanshio. Hen fa ityôkyaa.
MBAMPIN MBA BIBILO I NE MLUMUN SHA MI LA
A Er Nan Ve Bem Una Va sha Tara?
Fa er Aôndo a tende zwa u van a bem sha tar cii sha ikyev i Tartor na yô.
