ER I HII VE I TAVER MBAGENEV U NAN JIGHJIGH A KWAGH NE YÔ: Kwagh ugen u i sember tôvon yô tese ér, shawon, u tar u se tem sha u ne kpa u lu ker la, ngu a uikyasen mba lun er tar nahan hemba biliôn 100. Er shawon a gbanger je i fe ikighir na ga yô, ior kpishi ka ve pine ér, ‘Orgban akaa uhembancii je nahan ka nyi i gbe un u nengen kwagh uumace mba ka ka ne ve eren shin tar u u gbe ikyev ga nee?’

KWAGH U MKAANEM MA AÔNDO MA TESE YÔ: Aôndo yange na se Bibilo maa de kwagh wase ga. Kpa Yehova na se ibumun ér: “Me wase u henen; ishe Yam ia lu sha a we.”—Pasalmi 32:8.

Nenge ase kwagh u Hagar, kwase igipiti u lu uma anyom a keren ken ijime er 4000 nahan la. Hagar yange naan kwaseya Sarai, u tôô un tom la icivir ga, nahan Sarai hee un, maa Hagar yevese yem ken taaikyôngo. Hagar yange er kwagh u shami ga nahan, Aôndo gbihi unu? Bibilo kaa ér: “Ortyom u Aôndo za kohol un.” Ortyom la bum a Hagar, kaa ér: “[Yehova] ungwa u ken ican you.” Hagar gema kaa a Yehova ér: “We U ngu Aôndo u nengen.”—Genese 16:4-13.

We kpa “Aôndo u nengen” la nengen sha we. U tesen ikyav yô, ngô u soon mbayev nan hembe nengen sha wan u kiriki, sha ci u ka er wanye nan lu cuku la je ka i gba u ormaren nana hemba nengen sha a nan cii ye. Kape Aôndo kpa a hembe nengen sha a vese zum a nenge ér se mba ken ican shi agee yina se iyol je la. Yehova kaa ér, “M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.”—Yesaia 57:15.

Nahan cii kpa, alaghga u pine wer: ‘Aôndo nengen mo nena? Ka sha mluashe wam a fe injaor i m lu yee, shin ngu a nenge ken atô u ishima yam ve a fe or u m lu jim jimi?’