Mbampin mba Bibilo I̱ Ne Mlumun sha Mi La
Er nan se eren msen ser Tartor u Aôndo u va?
U soo u seer fan kwagh u Tartor u Aôndo man kwagh u ua va er yôô?
Tartor u Aôndo ka gomoti u sha. Yesu yange kaa a mbadondon un ér ve eren msen ér Tartor la u va sha ci u ka u ua hide a bem shin tar shi ua na uumace cii vea hingir mbaperapera ye. Ma gomoti u uumace môm kpa una fatyô u been a ipila man ifer shin angev ga, kpa Tartor u Aôndo yô, ua fatyô, shi ngu va eren nahan kpaa. Aôndo tsua Wan na Yesu ér a lu Tor u Tartor la. Yehova shi tsua nongoior ken mbadondon Yesu ér ve za tema tor a Yesu imôngo ken Tartor la.—Ôr Luka 11:2; 22:28-30.
Ica ia gba ga tsô, Tartor u Aôndo ua tim mba ve soo hemen u Aôndo ga la cii. Sha nahan yô, msen u ka se eren ser Tartor u Aôndo u va la ka zamber u kaan ser gomoti u Aôndo a va hemen se, i de lu ugomoti mba tar ne ga.—Ôr Daniel 7:13, 14; Mpase 11:15, 18.
Tartor u Aôndo ua lu ior a inja sha ci u nyi?
Yesu ka Tor u vough sha ci u mhôônom ma ker un a ior. Er a lu wan u Aôndo yô, ngu a tahav mbu wasen mba ve vaan ve yilan Aôndo ér a wase ve la cii.—Ôr Pasalmi 72:8, 12-14.
Ka mba ve eren msen sha mimi ér Tartor la u va shi ve lu eren ishima i Aôndo la tseegh Tartor u Aôndo ua er kwagh sha ci ve ye. Aluer u hen kwagh u Tartor u Aôndo u Bibilo i er la yô, mayange je u vaa afanyô ga.—Ôr Luka 18:16, 17; Yohane 4:23.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Tartor u Aôndo Ua Er Nyi?
Hen fa kwagh u gomoti u Aôndo una va er sha tar yô.
IYOUKURA
Tartor u Aôndo—Ua Er Nyi sha Ci Wouwe?
Ka ieren you ia tese kwagh Tartor u Aôndo ua er sha ci wou la ye.
