Aluer M Ngu Henen Bibilo Vea Mbashiada mba Yehova yô, Vea Ver Ishima Ér M Nyôr Kwaghaôndo Vee?
Ei, i kighir we ga. Ior umiliôn imôngo mba henen Bibilo vea vese kpa mba ken kwaghaôndo wase ga. a Awashima wase u henen Bibilo a we yô, ka u wasen we ser fa kwagh u Bibilo i tese yô. Ka we u mase tsuan kwagh u u soo u eren a mfe u u zough a mi la ye. Se nenge ser hanma or ngu a ian i tsuan u civir Aôndo shin civir un ga. —Yosua 24:15.
Me fatyô u lun a Bibilo yam shighe u i lu henen Bibilo a mo yôô?
Een. Shin er ka i doo se u ôron Bibilo New World Translation of the Holy Scriptures i i sôr i gber ken zwa Buter u i lamen ainge ne shi aluer u soo kôpi se na u gbilin nahan kpa, a doo se kpishi aluer u ngu a Bibilo you yô. U fatyô u henen kwagh u loho u Bibilo u ishimaverenkeghen man myom la ken hanma Bibilo cii.
Er nan ve i lu ior mba ve lu ken kwaghaôndo wen ga la ka ne henen Bibilo a ve?
Ityôkyaa i hiihii i se henen Bibilo a ior yô, ka sha ci u Yehova Aôndo, u a soo ér Mbakristu ve tesen ior kwagh u ve hen ken Bibilo la, doo se ishima. Se nenge ser ma iantom i civirigh i hemban ian i lun “mbashirentom a Aôndo imôngo” sha u wasen ior ve fa kwagh u Mkaanem nam ma tese la je kpa ngi ga.—1 Mbakorinte 3:6-9.
Shi se mba henen Bibilo a ior sha ci u ior cii doo se ishima (Mateu 22:39) Ka i saan se iyol u pasen ior akaa a doon tsung a se hen ken Bibilo yô.—Aerenakaa 20:35.
a U tesen ikyav yô, ken inyom i 2015 la, se lu henen Bibilo a iorov 9,708,968 ken hanma uwer, kpa u ngu wer lu cii la ga, sha ci u mbagenev kpishi yange i zom ve imôngo i hen Bibilo a ve hen shighe môm, sha ityough ki or môm. Nahan cii kpa, gema lu iorov 260,273 tseegh i er ve batisema ve hingir Mbashiada mba Yehova ken inyom la ye.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Ka Nyi Mbashiada mba Yehova Ve Ne Jighjigh a Mini?
Sav ôron akaa a vesen 15 a se ne jighjigh a mi yô.
KWAGH WASE
Ka i Hen Bibilo a Or Nena?
I fa Mbashiada mba Yehova tar sha won wuee, sha tom ve u henen Bibilo a ior gbilin la. Nenge er ka ve er kwagh ne yô.
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
