Mbashiada mba Yehova due a gbenda u injaa u ua wase u u henen akaa a Bibilo i tese la yô. Bibilo i se henen a ior ne ia wase u:

•   U zuan a msaanyol ken uma wou

•   U hingir ijende i Aôndo

•   U fan akaa a Bibilo i tende zwa ér se va zua a mi ken hemen la

Sha peeji ne

•  Ka i hen Bibilo a or nena?

•  A gba u me kimbi inyaregh sha kwaghhenen shono? 

•  Kwaghhenen shon ka a tôô shighe nena?

•  Me hii nena?

•  Me fatyô u kaan mer i va hii karen iyol u henen Bibilo a mo kwa mômô?

•  Aluer m lumun mer i hen Bibilo a mo yô, a gba u me hingir Orshiada u Yehova?

•  Me fatyô u teman kwaghhenen ne a Bibilo yama?

•  Shighe u i lu henen Bibilo a mo yô, me fatyô u lôhôn mbagenev?

•  Aluer yange m vande henen Bibilo vea Mbashiada mba Yehova ken ayange a karen ken ijime la nahan, me fatyô u shi hiden henen?

•  Gbenda ngu u or a fatyô u henen Bibilo iyol i nan a u Orshiada va henen kwagh a nan shio?

 Orshiada u Yehova nana wase u kaven akaa a Bibilo i tese la. Ne hen atineakaa la sha adondo adondo. Takeda u se henen Bibilo a mi u Lu Uma Gbem! la ua wase u u henen kwagh u Bibilo i tese yô man er ityesen i Bibilo shon ia wase u yô. Wea soo u seer fan yô, nenge ase vidio ne.

 Ei. Mbashiada mba Yehova ka ve dondo kwagh u Yesu yange ôr a mbahenen nav la. Yange kaa ér “Ne ngohol gbilin, nahan na nen gbilin.” (Mateu 10:8) Shi kwagh ugen yô, akaa a se henen kwagh a mi la er Bibilo man takeda u Lu Uma Gbem! la nahan cii ka teen a tee ga.

 Takeda u se henen ne ngu a mtom 60. Ka er u soo la a lu henen a we zan ye, mbahenen Bibilo mbagenev ka ve soo ér i hen ityough i môm shin mtom imôngo a ve ken kasua.

1.  1. Wa uwagh shin foom u sha Intanet la. Se er tom a akaa a ou a u nger shin foom ne la shighe u se lu tindin Orshiada u Yehova ser nana za nenge a we la tseegh.

2.  2. A tindi Orshiada u nana hen Bibilo a we yô nana za nenge we. Orshiada la nana za nengen a we yô, nana pase u er ka se hen Bibilo a ior yô shi aluer kwagh tsume u yô u pine nan nana ta u iwanger.

3.  3. We man Orshiada la ne lam sha gbenda u ne henen kwagh yô. Ne fatyô u henen kwagh ishigh a ishigh shin sha fon shin sha vidio gayô sha u ngeren loho shin washika. Kwaghhenen la ka a nôngo u kuman ihwa jimin, kpa a fatyô u yinan shin hemban nahan, har sha er shighe a ne u ian la.

 Een. Aluer u soo u eren nahan yô, wa uwegh shin foom u sha Intanet la. Orshiada u i tindi nan la nana va zuan a we yô, pase nan wer u soo u karen iyol i kwaghhenen shon nengen aluer una doo u yô. Nahan Orshiada la nana hii u henen antakeda u Lu Uma Gbem! u a lu a mtom mtar tseegh la vea we sha er u nenge aluer kwaghhenen shon doo u yô.

 Ei. Ka i doo Mbashiada mba Yehova u tesen ior kwagh u Bibilo, kpa se mba kighir ior ser ve va hingir Mbashiada a vese imôngo ga. Kpa ka se tese ve kwagh u Bibilo i ôr la tseegh, sha ci u se fa er hanma or nan lu a ian i tsuan kwagh u nana na jighjigh a mi yô.​—1 Peteru 3:15.

 Een, u fatyô u teman kwaghhenen ne a Bibilo i u soo cii. Er ka i doo se u eren tom a Bibilo i New World Translation of the Holy Scriptures i i gem i vough shi i taver ga la nahan kpa, se fa er ior mbagenev ka ve hemba soon u eren tom a Bibilo i ve hoghol a mi yô.

 Een. U fatyô u lôhôn tsombor wou cii gayô ijende iyol i u soo u lôhôn i cii.

 Een. Jighilii yô, takeda wase u he ne ua na Bibilo i henen ia hemba maan we iyol hegen sha ci u i hide i sôr u sha er u zua sha mba mlu mba ior yô. Takeda ne ngu a ufoto man uvidio kpishi shi i er u sha gbenda u aluer ne mba henen u yô, ne cii ne lu lamen yô.

 Een. Mbagenev or ka nana hen kwagh a ve yô i hemba wanger ve, kpa mbagenev yô sha hiihii la ka ve soo ér man ve hen iyol ve. Ijiir yase i Akaa a Wasen Or U Henen Bibilo la ngi a akaa kpishi a a wase u u henen Bibilo gbilin yô. Ka akaa a se fatyô u eren tom a mi je ne:

•   Zua a Iwasen ken Atesen a Bibilo. Ngeren mban tese akaawan a Bibilo aa fatyô u wasen we ken uma ayange ayange yô. Ka ngeren er Er Se Wase Mba Ve Lu a Mbamzeyol ken Ishima Yô man Zayol u Inyar man Injô i Gban​—Bibilo Ia Fatyô u Wasen Je He? man Ka Nyi i Doo u Me Fa sha Kwagh u Msôromo? la nahan

•   Uvidio mba sha akaa a ken Bibilo. Uvidio mba tiônôô mban pase atesen a Bibilo a hange hange.

•   Mbampin mba Bibilo I Ne Mlumun sha Mi La. Ngeren ne ka a na mlumun sha akaa kposo kposo a ken Bibilo a ior ve pinen mbampin sha mi la.