ЛИВАНЫҢ овадан кедр агаҗының янында эгри ве чырмашып өсйән зейтун агаҗы асла гөзе илмейәр. Эмма зейтун агаҗы ярамаз шертлерде-де өсүп билйәр. Оларың кәбир гөрнүшлери такмынан 1000 йыла ченли яшаяр. Чапылан зейтун агаҗының көки узын болса, ол яш агач кимин ене-де өсүп башлаяр. Агаҗың көки гурамадык болса, оңа тәзеден җан гирйәр.

Эйюп пыгамбер өлсе-де, дирелҗегине ынанярды (Эйюп 14:13—15). Ол Худайың адамлары дирелтмегини зейтун агаҗы билен деңешдирйәр. Эйюп пыгамбер: «Хатда агаҗа-да умыт бардыр, ол чапылса, ене гөгерер» диййәр. Чапылан зейтун агаҗының төңңеси гуран болса-да, «сув ысыны алан бадына өсүнтги чыкарып, яш агач кимин шахалаяр» (Эйюп 14:7—9).

Багбан чапылан зейтун агаҗының тәзеден шахаламагына умыт эдйәр. Ехова Худай хем арадан чыкан гуллукчыларыны ве башга адамлары дирелтмәге сабырсызлык билен гарашяр (Мат. 22:31, 32; Яхя 5:28, 29; Рес. иш. 24:15). Өлен адамлары ене-де гөрмек, гаршы алмак нәхили толгундырыҗы болар!