1992-НҖИ йылдан бәри Ёлбашчылык маслахаты комитетлериң ишини доландырмагы теҗрибели, рухы тайдан берк ве яшулы болуп гуллук эдйән доганлара табшыряр *. «Башга гоюнлара» дегишли бу көмекчи доганлар Ёлбашчылык маслахатына говы голдав берйәрлер (Яхя 10:16). Көмекчилер хепдеде бир гезек өз комитетиниң агзалары билен душушык гечирйәрлер. Шонда бир меселе боюнча топлан маглуматларыны ве теклиплерини ара алып маслахатлашярлар. Көмекчилер комитетиң ишине гөзегчилик эдйәрлер ве табшырылан юмушлары ерине етирйәрлер, йөне гутарныклы карара Ёлбашчылык маслахатының агзалары гелйәрлер. Йөрите ве халкара конгреслери гечирмәге Ёлбашчылык маслахатының агзалары билен көмекчи доганлар хем гидйәрлер. Шейле-де көмекчилер Баш эдарамызың векили хөкмүнде филиаллара айланярлар.

Комитетлере көмекчилер белленип башланындан бәри гуллук эдйән бир доган шейле диййәр: «Мен өзүме табшырылан юмушлары ерине етирсем, Ёлбашчылык маслахаты рухы затлар билен баглы ишлери чөзмәге хас көп үнс берип билйәр». 20 йылдан көпрәк гуллук эден башга бир көмекчи доган: «Мен бу борҗы ерине етирмеги улы хормат сайярын» дийип, гуллук эден йылларыны ятлаяр.

Ёлбашчылык маслахаты көмекчилере көп ишлери ынанярлар ве оларың зәхметсөерлигини, вепалы гуллугыны гымат сайярлар. Гелиң, шейле «адамлары хорматлалың» (Флп. 2:29).