2-нҗи бөлүм

Бүтиндүнйә тупанындан, Мүсүрден азатлыга ченли

Бүтиндүнйә тупанындан диңе секиз адам халас болды, вагтың гечмеги билен болса, оларың саны мүңлерчә етди. Бүтиндүнйә тупанындан 352 йыл геченден соң, Ыбрайым догулды. Биз Худайың Ыбрайыма Ысхак атлы огул берип, вадасында дураныны билерис. Соңра болса, Худай Ысхагың ики оглундан Якубы сайлайшыны билерис.

Якубың машгаласы улуды, онуң он ики оглы ве бирнәче гызы барды. Якубың он оглы Юсубы йигренип, оны Мүсүре гул эдип сатдылар. Нетиҗеде, Юсуп Мүсүриң абрайлы хөкүмдары болды. Гүйчли ачлык боланда доганларының йүрегини билмек үчин, олары сынады. Ахырсоңы Якубың бүтин машгаласы, ягны ысрайыллылар Мүсүре гөчүп бардылар. Бу Ыбрайым догландан 290 йыл геченсоң болды.

Шондан соңра ысрайыллылар 215 йыллап Мүсүрде яшадылар. Юсуп өленден соң, олар Мүсүрде гул болдулар. Бирнәче вагтдан соң Муса догулды ве ол аркалы Худай ысрайыллылары Мүсүрден халас этди. Умуман алаңда, ИКИНҖИ бөлүм 857 йылың тарыхыны өз ичине аляр.