110-нҗы хекая

Тимотеос — Павлусың Тәзе көмекчиси

ПАВЛУС ресулың янында Тимотеос атлы яш йигит дур. Ол ата-энеси билен Листра шәхеринде яшаяр. Онуң эҗесиниң ады Эвники, мамасының ады болса Лоис.

Павлусың Листра шәхерине үчүнҗи гезек гелшиди. Биринҗи гезек ол бу шәхере бир йыл мундан озал, Барнабас билен вагыз этмәге гелипди. Инди болса Павлус досты Силас билен гелди.

Павлусың Тимотеоса нәме диййәнини билйәңми? Ол: «Биз билен узак юртлара вагыз этмәге гитҗекми?» дийип, Тимотеосдан сораяр.

Тимотеос: «Хава, гидесим гелйәр» диййәр. Басым Тимотеос гарындашларыны гоюп, Павлус ве Силас билен гидйәр. Гел, илки билен, Павлуса нәме боланыны билели. Шама барян ёлда Исаны гөренине 17 йыл болупды.

Ядыңда болса, Павлус Исаның шәгиртлерини ызарламак үчин Шама гидипди, йөне инди өзи Исаның шәгирди болды. Шонуң үчин Павлусың душманлары оны өлдүрҗек боляр, себәби ол Иса барада вагыз эдйәрди. Эмма шәгиртлер Павлуса гачмага көмек эдйәрлер. Оны бир себеде салып, шәхер галасындан дүшүрйәрлер.

Шондан соң, Павлус Антакия вагыз этмәге гидйәр. Шол шәхерде Исаның шәгиртлерине илкинҗи гезек «месихчилер» диен ат берилди. Соңра Павлус билен Барнабасы узак юртлара вагыз этмәге иберйәрлер. Оларың баран шәхерлериниң бири Листра. Ол ерде Тимотеос яшаяр.

Ынха, бир йылдан вагыз эдип, Павлус ене-де Листра шәхерине гелйәр. Павлус, Силас хем-де Тимотеосың нирә гидендигини билйәңми? Гел, карта середип, оларың баран ерлери билен таныш болалы.

Илки олар Листраның голайында ерлешйән Коня шәхерине, соңра Антакия шәхерине гидйәрлер. Соңра олар Троаса бардылар, ол ерден чыкып, Филипә, Селанике хем-де Верия ченли барярлар. Картада Афины шәхерини гөрйәңми? Павлус ол ерде-де вагыз эдйәр. Соңра бир ярым йыл Коринтосда вагыз эдйәр. Ахырында Эфесос шәхеринде бираз вагт боляр. Кайсария гәмиде доланярлар, ол ерден Антакия гидйәрлер ве Павлус шол ерде галяр.

Шейлеликде, Тимотеос Павлус билен йүзлерче километр гечип, «хош хабары» вагыз этмәге хем-де месихичилериң энчеме йыгнакларыны дөретмәге көмек эдйәр. Сенем улалаңда, Тимотеос ялы Худайың вепалы гуллукчысы болармың?

Ресулларың ишлери 9:19—30; 11:19—26; 13—17 баплар; 18:1—22.

 [Карта]

Рим

Малта

Селаник

Верия

Коринтос

Филипи

Афины

Гирит (Крит)

Троас

Эфесос

Милитос

Колосе

Антакия

Коня

Листра

Антакия

Кипр

Шам (Дамаск)

Кайсария

Яфа

Иерусалим

ОРТАЕР ДЕҢЗИ